“Materialet e dërguara nga ju, u studjuan nga zv.ministri Feçor Shehu, i cili miratoi asgjesimin e dokumentëve për antarët dhe kandidatët e partisë, si Ismail Kadare dhe…”! / Dokumenti sekret i janarit 1979

Nga Ferdinand Dervishi

Memorie.al / Emrin e shkrimtarit më të shquar shqiptar të të gjitha kohërave, Ismail Kadare, për herë të fundit e shpërdoruan duke e lidhur me historinë e prishjes së godinës së Teatrit Kombëtar. Sipas atyre që e pyetën, ai nuk u prononcua për çështjen duke u justifikuar me moshën dhe shëndetin. E në fakt, ata që e kanë takuar të fundit, e dinë që edhe mosha edhe shëndeti i tij, janë në nivel të barabartë, ose edhe më keq se përgjigjja e dhënë.

Gjithsesi komentet për mos prononcimin e tejkalonin kujdesin për moshën, apo qoftë respektin për veprën, duke shkuar në akuza të vjetra, sipas të cilave ai, pra Kadareja, ka qenë një shërbëtor i komunizmit e të tjera të ngjashme.

Por ata që e kanë njohur mirë sistemin komunist edhe janë mrekulluar me guximin e këtij shkrimtari, pasi në shumica e veprës së tij më të mirë flitet për një tjetër realitet: vetëm Ismail Kadareja guxonte të dilte nga hullia strikte e socrealizmit. Kjo ka shembuj – jo vetëm kapituj – por romane të tërë, si “Nëpunësi i Pallatit të Ëndrrave”, “Piramida” etj.

Po kështu, Sigurimi i Shtetit dhe herë pas herë vetë Enver Hoxha, janë përplasur fort me Ismail Kadarenë, siç ishte rasti i vargjeve “Pashallarët e kuq”. Sigurisht që Ismail Kadareja ka pasur edhe mbrojtjen e regjimit, por këtu pikëpyetja mund të marrë edhe përgjigje: Shumë i famshëm për ta kafshuar. Me kalimin e kohëve, një numër i konsiderueshëm dokumentesh sekrete, kanë konfirmuar edhe një Ismail Kadare të përndjekur dhe të denoncuar.

Dokumenti ekskluziv publikon të vërteton edhe njëherë ndjekjen e survejimin e tij nga Sigurimi i Shtetit.

Dokumenti që i përket Drejtorisë së Parë të Sigurimit të Shtetit, mban datën 12 janar 1979 dhe përbëhet nga një listë shkrimtarësh, publicistësh e të tjerë, të cilëve do u asgjësoheshin materiale që përbënin informacione sekrete, sigurisht të dhëna për veprimtari jashtë normave të kohës.

Në kokën e dokumentit shkruhet se këto materiale u përkasin A.K.P., domethënë anëtarëve dhe kandidatëve të Partisë, mes të cilëve, në faqen e dytë, rreshti i parafundit, është përfshirë edhe Ismail Kadareja. Sipas Platformës së Sigurimit të Shtetit, anëtarët e Partisë, qysh nga vitet 1948-1949, nuk mund të bëheshin objekt i survejimit dhe ndjekjes nga Sigurimi i Shtetit, pasi Partia llogaritej përmbi policinë politike.

Për këto arsye, Sigurimi i Shtetit, duket se ka vendosur të asgjësojë disa të dhëna për Ismail Kadarenë, ndërkohë që në krye të faqes së parë, shkruhet se një pjesë dokumentesh të ngjashme do të vazhdojnë të ruhen.

DOKUMENTI SEKRET I DREJTORISË SË SIGURIMIT TË SHTETIT PRANË MINISTRISË SË BRENDSHME, DËRGUAR DREJTORIT TË DREJTORISË SË PUNËVE TË BRENDSHME TË TIRANËS, NUSTRET DAUTI PËR ASGJËSIMIN E DOKUMENTEVE NË NGARKIMIT TË 40 INTELEKTUALËVE QË SURVEJOHESHIN E NDIQESHIN NGA SIGURIMI

REPUBLIKA POPULLORE SOCIALISTE E SHQIPËRISË

MINISTRIA E PUNËVE TË BRENDSHME

DREJTORIA E PARË                                                         Sekret

Nr 140 Prot                                                                   Ekz. Nr 2

E përkohshme 2 vjet                                              Tiranë 12.1.1979

LËNDA: Mbi asgjësimin e disa materialeve për A.K.P. dhe detyrat që dalin për materialet në ruajtje.

DREJTORISË SË PUNËVE TË BRENDSHME

                       Sh. NUSTRET DAUTI

TIRANË

Gjegjë të ruajtjes Nr 3791 datë 6.10.1978

Materialet e dërguara në tuajën Nr. 3791 datë 6.10.1978 u studiuan dhe u analizuan nga Zv. Ministri i Punëve të Brendshme, sh. Fecor Shehu i cili, miratoi asgjësimin e materialeve për AKP të poshtë shënuar.

1. Luan Qafëzezi                    Nr. 6     F 5
2. Nazmi Peza                        Nr. 8     F 7
3. Arkile Teta                         Nr. 10   F 8
4. Nesim Shehu                     Nr. 17   F 12
5. Ahmet Gurakuqi               Nr. 18   F 13
6. Syrja Hysi                          Nr. 20   F 14
7. Ali Hoxha                          Nr. 21   F 14
8. Petrit Islami                      Nr. 27   F 17
9. Maqo Minga                     Nr. 28  F 18
10. Vasil Kallapodhi               Nr. 29   F 18
11. Sulejman Jazexhiu           Nr. 33   F 19
12. Hysenil Dume                  Nr. 36   F 21
13. Theodhor Dhimitri          Nr. 37   F 21
14. Shyqyri Bylyku                Nr. 38   F 21
15. Xhelal Novosela              Nr. 39   F 22
16. Josif Dallamanga            Nr. 40   F 22
17. Haki Jupasi                      Nr. 41   F 23
18. Hamit Alimuca               Nr. 44    F 24
19. Arif Hasko                      Nr. 46   F 25
20. Mentor Kola                   Nr. 48   F 26
21. Vangjel Konini                Nr. 49   F 26
22. Nevrus Shusipi               Nr. 50  F 26-27
23. Polikron Çela                  Nr. 34  F 28
24. Vaso Shaka                     Nr. 55  F 28-29
25. Besnik Hoxha                 Nr. 58  F 30
26. Maqo Koblara                Nr. 63  F 33
27. Gani Keçi                       Nr. 70   F 37
28. Rakip Sula                     Nr. 65  F 33
29. Daut Shapllo                 Nr. 72  F 38
30. Nuri Çobo                     Nr. 73   F 38
31. Sokrat Sollomoni         Nr. 85   F 47
32. Mynyr Braho                Nr. 91   F 50
33. Isuf Dobi                       Nr. 92   F 50
34. Maqo Bleta                   Nr. 99   F 56
35. Boris Kajo                      Nr. 100  F 57-58
36. Rushella Cikuli              Nr. 105   F 62
37. Llukan Nase                  Nr. 107   F 63
38. Lutfi Pasholli                Nr. 109   F 64
39. Ismail Kadare               Nr. 114   F 70
40. Bilbil Klosi                    Nr. 118   F 71-72

Gjatë studimit të materialit Zv. Ministri, cakton dhe disa detyra që po i shënojmë bri secilit, me qëllim që rë ndiqen. Memorie.al