Memorie.al publikon disa foto të periudhës së komunizmit para viteve ’90-të kur në Shqipërinë komuniste festohej 1 Maji, ‘dita e punëtorëve’ e cila u njoh dhe u përkujtua si e tillë nga viti 1945-së deri në 1990-ën. Imazhe të rralla që na paraqesin klasën punëtore dhe fshatarësinë kooperativiste që “parakalonte e lumtur” me pankarta dhe buqeta lulesh në duar në Bulevardin “Dëshmorët e Kombit” para tribunës së udhëheqjes së lartë të PPSH-së, ku zinin vënd: Enveri, Mehmeti, Hysni Kapo, Haxhi Lleshi, Gogo Nushi, Rita Marko, Ramiz Alia etj., nga Byroja Politike dhe Komiteti Qëndror i PPSH-së, si dhe imitimet e “armiqve të popullit”, si Mehdi Frashëri, Qazim Mullet, Vasil Andoni etj., ku personat që “interpretojnë” ata, janë veshur me brekë e këmisha të bardha dhe gajasnin udhëheqjen e lartë.
