• Rreth Nesh
  • Kontakt
  • Albanian
  • English
Saturday, March 25, 2023
Memorie.al
No Result
View All Result
  • Faqja Kryesore
  • Dossier
  • Intervista
  • Personazh
  • Dokumentar
  • Galeria e Fotove
  • Art & Kulture
  • Sport
  • Kalendari Historik
  • Të Ndryshme
  • Faqja Kryesore
  • Dossier
  • Intervista
  • Personazh
  • Dokumentar
  • Galeria e Fotove
  • Art & Kulture
  • Sport
  • Kalendari Historik
  • Të Ndryshme
No Result
View All Result
Memorie.al
No Result
View All Result
Home Galeria e Fotove

Fotot e panjohura / “Kur Ramiz Alia, Kadri Hazbiu, Aranit Çela dhe gjeneralët e Ministrisë së Brendëshme, inaguronin stadiumin “Dinamo” të kryeqytetit, ku…”

Fotot e panjohura / “Kur Ramiz Alia, Kadri Hazbiu, Aranit Çela dhe gjeneralët e Ministrisë së Brendëshme, inaguronin stadiumin “Dinamo” të kryeqytetit, ku…”
Fotot e panjohura / “Kur Ramiz Alia, Kadri Hazbiu, Aranit Çela dhe gjeneralët e Ministrisë së Brendëshme, inaguronin stadiumin “Dinamo” të kryeqytetit, ku…”
0
Shares
852
VIEWS

Memorie.al/publikon ekskluzivisht dy foto të rralla nga ceremonia zyrtare e inagurimit të stadiumit “Dinamo”, (i cili, pas Stadiumit Kombëtar “Qemal Stafa” që kishte filluar të ndërtohej që në periudhën e Monarkisë së Zogut dhe u përfundua në vitet e para të pasluftës), ishte stadium i dyti që i shtohej kryeqytet shqiptar, Tiranës. Fotot në fjalë i përkasin datës 10 korrik të vitit 1959, e cila njihej ndryshe dhe si festa e “Ushtrisë Popullore”, që ishte caktur në nderim të ditës së formimit të Shtabit të Përgjithshëm të Ushtrisë Nacionalçlirimtare (partizane) të komanduar nga Enver Hoxha dhe Spiro Moisiu, më 10 korrik 1943 në Labinot të Elbasanit.

Ndërtimi i këtij stadiumi që ishte nën vartësinë e Ministrisë së Punëve të Brendëshme dhe pagëzimi i tij me emrin “Dinamo”, (siç ishte dhe ekipi me të njëjtin emër që ishte formuar më datën 19 korrik të vitit 1950-të), tregonte mësëmiri për propagandën dhe prioritetin që i jepte regjimi komunist i asaj kohe organeve të Ministrisë së Brendëshme (Sigurimi i Shtetit, Policia Popullore etj.), të cilat konsideroheshin prej tij, si “arma e mprehtë e diktaturës së proletariatit”, ku si në të gjithë vëndet e Lindjes Komuniste, ishin dhe shërbyen si mbështetja kryesore dhe garancia për mbajtjen e pushtetit, deri në fundin e viteve ’80-të.

Ndërsa arsyet se përse ky stadium i cili pagëzohej me emrin “Dinamo” dhe që ishte nën patronazhin e Ministrisë së Punëve të Brëndshme, nuk u inagurua në festat përkujtimore të kësaj ministrie (sic ishin ato të themelimit të Sigurimit të Shtetit, Policisë Popullore, apo Forcave të Kufirit) ishin disa.

Së pari, ky stadium nuk u përfundua në kohë sipas afatit të përcaktuar, pasi kushtet në të cilat ai u ndërtua, ishin tejet të rënda. Për projektimin dhe ndërtimin e tij, do të përdorej puna e lodhshme e qindra të burgosurve politikë, të cilët përveç këtij stadiumi, në fundin e viteve ’80-të, do të ndërtonin edhe komplekset e famshme të banesave për efektivët e Ministrisë së Punëve të Brendëshme dhe klubit sportiv “Dinamo”, përreth tij.

Gjithashtu mund të lexoni

Pamje të brendshme dhe të jashtme të kinema “Rozafa” në Tiranë 1940

Fotografi të çifteve që janë martuar më 27/04/1938, ditën e martesës së Ahmet Zogut, me shpenzimet e shtetit

Së dyti, paraqitja e skuadrës së futbollit të “Dinamos” atë vit, ishte relativisht e dobët, pasi ata do të pozicionoheshin në vëndin e katërt të Kampionatit Kombëtar të Futbollit. Në edicionin e 14 të Kampionatit Shqiptar të Futbollit, të zhvilluar në vitin 1959, kur po inagurohej edhe ai stadium, do të shpallej kampion ekipi i “Partizanit” i cili ishte nën vartësinë e Ministrisë së Mbrojtjes Popullore.

Për këtë arsye edhe ekipi që ishte përzgjedhur të ishte në ndeshjen që do të zhvillohej ditën e inagurimit zyrtar të këtij stadium, do të ishin po të “kuqtë” e ekipit “Partizani”, i cili nën drejtimin e trainerit Rexhep Spahiu, do të kishte në rradhët e saj futbollistët që bënë emër të madh edhe në ekipin përfaqësues të Shqipërisë,  si: Sulejman Maliqati, Fatbardh Deliallisi, Besim Fagu, Miço Papadhopulli, Miço Ndini, Gani Merja, Kolec Kraja, Lin Shllaku, Refik Resmja, Tomorr Shehu, Iljaz Dingu, Roza Haxhiu, Pavllo Bukoviku, etj. Të “kuqtë” e ekipit “Partizani” do të ndesheshin me ekipin kampion të Gjermanisë Lindore (Republika Demokratike Gjermane) të quajtur, FC Vorwarts, i cili gjithashtu i përkiste Ministrisë së Mbrojtjes së RDGJ.

Në fotot në fjalë që i përkasin ceremonisë së inagurimit të Stadiumit “Dinamo” e zhvilluara para fillimit të ndeshjes “Dinamo” – “Partizani” (që do të përfundonte në barazim 1 me 1), shihen: gjeneral-major Xhule Çiraku (duke mbajtur fjalimin e hapjes) që asokohe mbante funksionet e zv / Ministrit të Punëve të Brëndëshme dhe Drejtor i Përgjithshëm i Policisë Popullore, dhe pas tij, Aranit Çela, Prokurori i Përgjithshëm i Republikës, Llazi Stratobërdha, Kryetar i Gjykatës së Lartë, gjeneral-major Qazim Kondi, Shef i Prapavijës në Ministrinë e Punëve të Brendëshme, kolonel Feçor Shehu, Drejtor i Drejtorisë së Punëve të Brendshëme të Tiranës, gjeneral-major Zoi Themeli, zv / Ministër i Brëndshëm dhe Drejtor i Zbulimit Politik, gjeneral-kolonel Kadri Hazbiu, Ministër i Punëve të Brëndshëme, (i veshur civil dhe me kapele republike, qëndron disi i fshehur duke mos u ekspozuar shumë në publik, ka dalë pak nga hyrja kryesore e hollit të stadiumit) Ramiz Alia, anëtar i Byrosë Politike dhe Ministër i Arsimit e Kulturës, (duke prerë shiritin e inagurimit) Todi Lubonja, funksionar i lartë në aparatin e Komitetit Qëndror të PPSH-së për Rininë, Kulturën, dhe Sportin, gjeneral-major Mihallaq Zicishti, zv / Ministër i Brëndshëm dhe Drejtor i Kundërzbulimit, gjeneral-major Hilmi Seiti, Kryetar i Degës së Punëve të Brendëshme të Qarkut të Shkodrës, etj. Në krah të Ramiz Alisë (nga e majta e fotos) duken arbitrat e ndeshjes, Mihal Tiko. Besim Qorri dhe Islam Cani, kurse para tyre duket kapiteni i ekpit “Dinamo”, Xhevdet Shaqiri. /Memorie.al

Copyright©“Memorie.al”

Të gjitha të drejtat e këtij materiali janë pronë ekskluzive dhe e patjetërsueshme e “Memorie.al”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj., pa autorizimin e “Memorie.al”, në të kundërt çdo shkelës do mbajë përgjegjësi sipas nenit 179 të Ligjit 35/2016

 

ShareTweetPinSendShareSend

Previous Post

Kujtimet e Gëzim Peshkëpisë/ “Përse ish-partizani i çetës së Pezës, s’pranoj të dilte nga burgu, kur i’u komunikua lirimi…”?!

Next Post

Kalendari Historik 15 Dhjetor

Artikuj të ngjashëm

Pamje të brendshme dhe të jashtme të kinema “Rozafa” në Tiranë 1940
Galeria e Fotove

Pamje të brendshme dhe të jashtme të kinema “Rozafa” në Tiranë 1940

March 25, 2023
Fotografi  të çifteve që janë martuar më 27/04/1938, ditën e martesës së Ahmet Zogut, me shpenzimet e shtetit
Galeria e Fotove

Fotografi të çifteve që janë martuar më 27/04/1938, ditën e martesës së Ahmet Zogut, me shpenzimet e shtetit

March 24, 2023
Pamje të vitetve 1939 -1942, nga dita e pyllëzimit, rinia shkollore mbjell 300 rrënjë pemë në Tiranë e Korçë.
Galeria e Fotove

Pamje të vitetve 1939 -1942, nga dita e pyllëzimit, rinia shkollore mbjell 300 rrënjë pemë në Tiranë e Korçë.

March 20, 2023
Fotografi të Asdrenit në vitin 1943, me miq dhe të afërm të tij në shtëpi, plazh etj.
Galeria e Fotove

Fotografi të Asdrenit në vitin 1943, me miq dhe të afërm të tij në shtëpi, plazh etj.

March 19, 2023
Pamje nga puna për ndërtimin e stadiumit kombëtar, (“Qemal Stafa”) në Tiranë, viti 1940
Galeria e Fotove

Pamje nga puna për ndërtimin e stadiumit kombëtar, (“Qemal Stafa”) në Tiranë, viti 1940

March 17, 2023
Pamje nga puna për ndërtimin e godinave të Ministrive në Tiranë, vitin 1940
Galeria e Fotove

Pamje nga puna për ndërtimin e godinave të Ministrive në Tiranë, vitin 1940

March 17, 2023
Next Post
Kalendari Historik 3 Dhjetor

Kalendari Historik 15 Dhjetor

“Historia është versioni i ngjarjeve të kaluara për të cilat njerëzit kanë vendosur të bien dakord”
Napoleon Bonaparti

Publikimi ose shpërndarja e përmbajtjes së artikujve nga burime të tjera është e ndaluar reptësisht pa pëlqimin paraprak me shkrim nga Portali MEMORIE. Për të marrë dhe publikuar materialet e Portalit MEMORIE, dërgoni kërkesën tuaj tek [email protected]
NIPT: L92013011M

Na ndiqni

  • Rreth Nesh
  • Privacy

© Memorie.al 2020 • Ndalohet riprodhimi i paautorizuar i përmbajtjes së kësaj faqeje.

No Result
View All Result
  • Albanian
  • English
  • Faqja Kryesore
  • Dossier
  • Intervista
  • Personazh
  • Dokumentar
  • Galeria e Fotove
  • Art & Kulture
  • Sport
  • Kalendari historik
  • Të Ndryshme
error: Content is protected !!