• Rreth Nesh
  • Kontakt
  • Albanian
  • English
Thursday, March 23, 2023
Memorie.al
No Result
View All Result
  • Faqja Kryesore
  • Dossier
  • Intervista
  • Personazh
  • Dokumentar
  • Galeria e Fotove
  • Art & Kulture
  • Sport
  • Kalendari Historik
  • Të Ndryshme
  • Faqja Kryesore
  • Dossier
  • Intervista
  • Personazh
  • Dokumentar
  • Galeria e Fotove
  • Art & Kulture
  • Sport
  • Kalendari Historik
  • Të Ndryshme
No Result
View All Result
Memorie.al
No Result
View All Result
Home Dossier

Akuzat ndaj ish-ministrit: “Kadri Hazbiut, megjithëse i’u kërkua që të ndihmonte Partinë dhe të hidhte dritë në këtë lëmsh agjenturor, ai…”/ Plenum i V-të i Komitetit Qendror, tetor ‘82

Raporti i Sigurimit: “Mihallaq Ziçishti me Mehmet Shehun, dy tre herë kanë shtyrë goditjen e Tefik Cangonjit, që u dëshifrua agjent i …”/ Informacioni për Enver Hoxhën
Dokumenti sekret: “Llambi Peçini ngrinte rolin e Mehmet Shehut dhe fuste në zyrë femra të dyshimta…”/ Raport-informacioni për Enverin në vitin 1982
Raporti i Sigurimit: “Në 1979-ën në rrethin e Korçës kishim në përpunim 45 agjentë të zbulimeve të huaja, të cilët…”/ Informacioni për Enver Hoxhën
kadriut
Dëshmia e rrallë e gardianit: Si e ruanim Kadri Hazbiun të futur në një kafaz hekuri në qelinë speciale të Repartit 313-të…
“Kur kryetari i gjykatës e akuzoi Kadri Hazbiun se kishte pasur plane të vriste Enver Hoxhën, ai i’u përgjigj…”/ Kujtimet e panjohura të ish-gazetarit të Radio-Tiranës dhe ‘RD’-së
“Si u përhap lajmi në Tiranë, se ne 300 rezervistët që nuk vajtëm në zbor, pas agresionit rus në Çekosllovaki, do të na vrisnin në Vaqar..”/ Kujtimet e panjohura të ish-gazetarit të Radio-Tiranës dhe ‘RD’-së
“Është përhapur në të gjithë Shqipërinë, sikur Hysni Kapo s’ka vdekur nga kanceri, por e kanë vrarë me urdhër të..…”/ Plenumi i V-të, tetor ‘82   kur “kryqëzohej” Kadri Hazbiu!
0
Shares
1.6k
VIEWS

Dashnor Kaloçi

Pjesa e pestë

Memorie.al publikon disa dokumente arkivore të nxjerra nga Arkivi Qendror i Shtetit në Tiranë (fondi i ish-Komitetit Qendror të PPSh-së), të cilat kanë qenë të panjohura për 40 vite, ku ndodhet një dosje me materiale sekrete e dokumente, që i përkasin muajt tetor të vitit 1982, ku është pasqyruar materiali i Byrosë Politike të Komitetit Qendror të PPSh-së me titull “Mbi mungesën e theksuar të vigjilencës dhe gabimet e rënda të shokut Kadri Hazbiu, në kohën që ishte ministër i Brendshëm”, autokritika me shkrim e Kadri Hazbiut, “Vendimi i Plenumit të V-të të Komitetit Qendror të PPSh-së mbi përjashtimin nga Komiteti Qendror e nga Partia si dhe shkarkimi nga të gjitha funksionet shtetërore dhe shoqërore të Kadri Hazbit”, si dhe proces-verbali i Plenumit të Komitetit Qendror të mbajtur në datat 13 e 14  tetor të vitit 1982, në sallën kryesore të godinës së Komitetit Qendror, ku është diskutuar dhe është marrë në analizë puna dhe veprimtaria e ministrit të Mbrojtjes Popullore, Kadri Hazbiu, i cili akuzohet për “veprimtarinë armiqësore” të tij për periudhën gati 30 vjeçare, kur ai shërbente në funksionin e ministrit të Punëve të Brendshme. Dosja me dokumentet që botohet për herë të parë nga Memorie.al, ku përveç materialit “Tepër sekret”, të Byrosë Politike me akuza ndaj ish-ministrit të Punëve të Brendshme, Kadri Hazbiu, publikohet edhe proces-verbali i Plenumit, ku Enver Hoxha dhe pjesa më e madhe anëtarëve të Byrosë Politike si: Ramiz Alia, Adil Çarçani, Foto Çami, Hekuran Isai, Manush Myftiu, Simon Stefani, Haki Toska, Pali Miska, Prokop Murra, Spiro Koleka, Rita Marko, Lenka Çuko, etj., jo vetëm kanë akuzuar ish-ministrin Hazbiu, si bashkëpunëtorin me të ngushtë të ish-kryeministrit Mehmet Shehu, por edhe kanë debatuar ashpër me të, gjatë mbledhjes së plenumit që zgjati dy ditë, duke i kërkuar atij që të jepte shpjegime për punën dhe veprimtarinë e tij, që nga dita që ishte ulur në zyrën e ministrit, duke filluar nga marrëdhëniet e raportet me këshilltarët rusë, Konferencën e Tiranës në 1956-ën, e deri tek “bashkëpunimi i tij me grupet armiqësore” të kryesuara nga Teme Sejko, Beqir Balluku, Abdyl Këllezi dhe “poli-agjenti” Mehmet Shehu, si dhe vendimet shkarkimet nga detyrat dhe për përjashtimin nga Komiteti Qendror të Rexhep Kollit, Nazar Berberit, Veli Llakajt, Ndreçi Plasarit, etj.

                                                      Vijon nga numri i kaluar

Gjithashtu mund të lexoni

“Kur ishin shtuar kontradiktat në mes nesh dhe rusëve, aty erdhi Mehmet Shehu dhe kur filloi të fliste, u ngrit një marinar sovjetik, duke bërtitur…”/ Dëshmia e ish-ushtarakut, për Pasha-Limanin në vitin 1960

“Kur lexoi atë që kishte shkruar Dom Vlash Muçaj në murin e WC-së, At Zef Pllumi, u tmerrua dhe tha…”/ Refleksione për librin “Rrno për me tregue”, të fratit të famshëm

Autokritika me shkrim i ish-ministrit të Punëve të Brendshme, Kadri Hazbiu, në Plenumin e V-të të Komitetit Qendror të PPSh-së, i mbajtur më 13 dhe 14 tetor të vitit 1982

 Me t’u larguar Mihallaq Ziçishti, erdhi në vendin e tij Feçor Shehu. Në këto kushte unë gjykoj se kam punuar e vepruar midis armiqsh, të cilët vepronin në një vijë e në koordinim të plotë vazhdimisht. Për rrjedhim, jo vetëm që Sigurimi dhe unë bashkë me të nuk mund të mos pengoheshim në çdo punë, por, para së gjithash, ish praktikisht e pamundur të zbuloheshin çështje të tilla të mëdha e me rrezikshmëri, të cilat i arriti Partia me forcën e saj.

Unë kam bindjen e plotë se Partia do të vërtetojë, se me anë të këtij mekanizmi u sabotuan e u shtrembëruan edhe zbulimet me anë të hetimit në mjaft procese, sidomos në atë të puçistëve e të sabotatorëve, procese këto që çonin në deshifrimin e këtij rrjeti spiunësh e konspiratorësh. Unë nuk di si u manipuluan gjërat për këto sabotime. Ato kurdoherë janë bërë në shpinën time. Këtë Partia, qoftë edhe vonë, do ta vërtetojë.

Jam i qetë përpara Partisë, se në punën time në tërësi kam qenë kurdoherë i ndershëm, pavarësisht nga gabimet e fajet e rënda, të cilat kurrë nuk i kam bërë me ndërgjegje që të dëmtoja Partinë. Ndaj Partisë e shokut Enver, nuk kam pasur në të gjitha kohët as rezervën më të vogël. Gabimet që kam bërë janë të mëdha e me pasoja të rënda për Partinë. Unë kështu i konceptoj ato dhe pasojat e tyre.

Kështu e realizoj unë edhe shkakun përse Sigurimi i Shtetit nuk mundi të zbulojë këtë rrjet spiunësh, si dhe të tjerë më parë me rrezikshmëri të madhe që kanë ndërmarrë armiqtë në të gjitha kohët. Kërkoj ndjesë nëse nuk kam arritur të reflektoj akoma thellë sa duhet. Kaq kam arritur deri tani. Gjithë jetën do të reflektoj mbi këtë problem kaq të madh të Partisë, me të cilën lidhet direkt puna e qëndrimi im.

Çfarëdo mase që të vendosin Plenumi e Partia, unë do të jem në gjendje ta përballoj si anëtar i saj. I lutem Plenumit dhe Partisë, që në gjykimin e tyre të më marrin kështu siç kam qenë e jam me gabime e faje, por gjithnjë i pandarë për asnjë moment e çështje nga Partia e shoku Enver.

                                                                                                                 Me respekt

                                                                                                              Kadri Hazbiu

 Tiranë, më 11.10.1982

VENDIM I PLENUMIT TË 5-TË TË KOMITETIT QENDROR TË PPSH MBI PËRJASHTIMIN NGA KOMITETI QENDROR E NGA PARTIA SI DHE SHKARKIMIN NGA TË GJITHA FUNKSIONET SHTETËRORE E SHOQËRORE TË KADRI HAZBIUT

Plenumi i 5-të i Komitetit Qendror të PPSH-së në mbledhjen e datës 13-14 tetor 1982, mori në shqyrtim dhe diskutoi raportin e Byrosë Politike të Komitetit Qendror të PPSH “Mbi mungesën e theksuar të vigjilencës dhe gabimet e rënda të Kadri Hazbiut” dhe u njoh me autokritikën që bëri Kadri Hazbiu për Plenumin e Komitetit Qendror.

Plenumi i Komitetit Qendror arriti në konkluzionin se Kadri Hazbiu, jo vetëm s’e kish marrë parasysh ndihmën që i dhanë shokët e Byrosë Politike, por ai kishte bërë hapa prapa. “Autokritika” e tij jo vetëm që nuk ishte marksiste, por përkundrazi qe e mbushur plot shfajësime e dredhi, supozime e mohime dhe deri në akuza provokuese. “Autokritika” e tij në fakt përbënte një sulm kundër Partisë dhe udhëheqjes së saj. Pyetjet që i drejtuan shokët e Plenumit, ai i trajtoi fare përciptë dhe me mendjemadhësi.

Plenumi arriti gjithashtu, në përfundim se të gjithë komplotet e armiqve të Partisë në bashkëpunim me agjenturat e huaja, janë zbuluar nga Partia dhe asnjëherë nga Sigurimi i Shtetit dhe këtij fakti të njohur Kadri Hazbiu nuk i dha përgjigje, por i bëri bisht në mënyrë dredharake.

Kadri Hazbiu duke punuar për një kohë të gjatë në organet e Ministrisë së Punëve të Brendshme ka kryer veprime në kundërshtim me orientimet e normat e Partisë dhe interesat e larta të shtetit, siç janë fshehja e të dhënave që kanë dalë në periudha të ndryshme për anëtarët kryesorë të komplotit që kryesonte krye agjenti Mehmet Shehu, kultivimi në kuadrot e organeve të punëve të brendshme i frymës së familjaritetit, duke u krijuar kështu mundësi agjentëve të Mehmet Shehut, të vepronin lirisht në Ministrinë e Punëve të Brendshme, ku bënë çerdhen e tyre spiunë të shumtë.

Kadri Hazbiut, megjithëse i’u kërkua që të ndihmonte e të hidhte dritë në këtë lëmsh agjenturor që kishte vepruar në sfera të larta të Partisë e të shtetit, asnjëherë nuk dha gjë, bile, hezitoi për masat që duheshin marrë ndaj pjesëtarëve të komplotit, për të mos u zbuluar fajet e tij, për të “mos i’u hequr peta lakrorit”.

Plenumi i Komitetit Qendror krijoi bindjen e plotë se Kadri Hazbiu, me qëllim fsheh të vërtetën para Partisë, se ai është në dijeni të veprimeve armiqësore të grupit të Mehmet Shehut, bile se vetë Kadriu është pjesëtar i këtij grupi komplotist.

Për veprimtarinë e tij armiqësore, Kadri Hazbiu mban edhe përgjegjësi penale në të cilën është e nevojshme të ndalen organet kompetente sipas fakteve e dokumenteve që disponojnë e që do të dalin.

Për të gjitha këto Plenumi i 5-të i Komitetit Qendror të Partisë,

              Vendosi:

Kadri Hazbiu të përjashtohet nga Komiteti Qendror dhe nga Partia si dhe të shkarkohet nga të gjitha funksionet shtetërore e shoqërore.

PLENUMI I 5-të I KOMITETIT QENDROR TË PARTISË SË PUNËS TË SHQIPËRISË

 Tiranë, më 14.10.1982

VENDIM I PLENUMIT TË 5-TË TË KOMITETIT QENDROR TË PPSH MBI PËRJASHTIMIN NGA KOMITETI QENDROR I PPSH TË REXHEP KOLLIT

Plenumi i 5-të i Komitetit Qendror të PPSH në mbledhjen e tij të datës 13 e 14 tetor 1982 mbasi shqyrtoi e diskutoi fajet e Rexhep Kollit arriti në përfundimin se duke qenë për një kohë të gjatë kuadër me përgjegjësi në Ministrinë e Punëve të Brendshme, ku u kurdis një komplot shumë i rrezikshëm për atdheun dhe Partinë, mban përgjegjësi të rëndë për ato faje e gabime që janë bërë në kundërshtim me vijën dhe normat e Partisë dhe me interesat e shtetit.

Për të gjitha këto faje Plenumi i 5-të i Komitetit Qendror me unanimitet të plotë,

Vendosi:

Rexhep Kolli të përjashtohet nga radhët e Komitetit Qendror të PPSH-së.

 PLENUMI I 5-të I KOMITETIT QENDROR TË PARTISË SË PUNËS TË SHQIPËRISË

VENDIM I PLENUMIT TË 5-TË TË KOMITETIT QENDROR TË PPSH MBI PËRJASHTIMIN NGA KOMITETI QENDROR DHE NGA PARTIA SI DHE SHKARKIMIN NGA TË GJITHA FUNKSIONET SHTETËRORE E SHOQËRORE TË VELI LLAKAJT E NAZAR BERBERIT

Plenumi i 5-të i Komitetit Qendror të PPSH në mbledhjen e datës 13 e 14 tetor 1982 mbasi shqyrtoi e diskutoi raportin e Byrosë Politike të Komitetit Qendror “Mbi mungesën e theksuar të vigjilencës dhe gabimet e rënda të Kadri Hazbiut”, në vazhdim të analizës sinoptike mbi veprimtarinë agjenturore të armikut Mehmet Shehu, arriti në përfundimin se Veli Llakaj dhe Nazar Berberi, duke qenë prej kohësh në kundërshtim me vijën ushtarake të Partisë dhe në akord me komplotistët, kanë bashkëpunuar gjatë me ta kundër Partisë dhe shtetit. Për të gjitha këto faje, Plenumi i 5-të i Komitetit Qendror me unanimitet të plotë,

                     Vendosi:

  1. Të përjashtojë nga Partia dhe nga Komiteti Qendror si dhe ta shkarkojë nga të gjitha funksionet e tjera shtetërore e shoqërore Veli Llakajn.
  2. Të përjashtojë nga Partia e nga Plenumi i Komitetit Qendror dhe ta shkarkojë nga të gjitha funksionet e tjera shtetërore e shoqërore Nazar Berberin.

PLENUMI I 5-të I KOMITETIT QENDROR TË PARTISË SË PUNËS TË SHQIPËRISË

VENDIM I PLENUMIT TË 5-TË TË KOMITETIT QENDROR TË PPSH MBI PËRJASHTIMIN NGA KOMITETI QENDROR TË NDREÇI PLASARIT

Plenumi i 5-të i Komitetit Qendror të PPSH-së, në mbledhjen e tij të datës 13 e 14 tetor 1982, mori në shqyrtim propozimin e organizatës bazë të Partisë të Institutit të Studimeve Marksiste-Leniniste, për përjashtimin nga Partia dhe nga Plenumi i Komitetit Qendror të Ndreçi Plasarit.

Nga diskutimi i çështjes së Ndreçi Plasarit, rezultoi se ai me punën e tij studimore e botuese është përpjekur të mbulojë të vërtetën historike në lidhje me personin e armikut Mehmet Shehu dhe të fryjë kultin e tij.

Ndreçi Plasari me “autokritikën” e tij u tregua i pasinqertë, ai u përpoq që të mbulonte oportunizmin, mungesën e vigjilencës dhe lëshimet në parime që i ka bërë armikut Mehmet Shehu, në dëm të interesave të Partisë dhe të popullit.

Ndreqi Plasari ka përgjegjësi të rëndë para Partisë, të cilën nuk e ka vënë në dijeni për një dokument zyrtar të Zbulimit Anglez që i ka rënë në dorë, ku ndër të tjera, për super agjentin Mehmet Shehu, thuhet se: “Ambicia e tij, ia kalon besnikërisë së Partisë”.

Plenumi i 5-të i Komitetit Qendror të PPSH duke marrë parasysh të gjitha këto,

Vendosi:

  1. Ndreçi Plasari të përjashtohet nga Plenumi i Komitetit Qendror të PPSH.
  2. Çështjen e qëndrimit ose jo të tij në radhët e Partisë ta shohë Komisioni Qendror i Kontrollit dhe i Revizionimit të Partisë.
  3. Të shkarkohet nga të gjitha funksionet e tij shtetërore shoqërore.

 PLENUMI I 5-të I KOMITETIT QENDROR TË PARTISË SË PUNËS TË SHQIPËRISË

VENDIM PËR DËNIMIN E GABIMEVE DHE TË FAJEVE TË RËNDA TË ANËTARIT TË PPSH, NDREÇI PLASARI.

Organizata bazë e Partisë e Institutit të Studimeve Marksiste-Leniniste pranë Komitetit Qendror të PPSH-së, në mbledhjen e saj të datës 11 dhe 12 tetor 1982, analizoi gabimet e fajet e rënda të anëtarit të saj, Ndreçi Plasari, i cili me punën e tij studimore e botuese është përpjekur të mbulojë të vërtetën historike në lidhje me personin e Mehmet Shehut, e të fryjë kultin e tij.

Të gjithë komunistët, të pakënaqur nga autokritika me shkrim që e dorëzoi me 10 muaj vonesë, dhe jo me iniciativën e tij, si dhe nga autokritika me gojë në përgjigje të pyetjeve të shumta që iu bënë, njëzëri e kritikuan rreptë dhe e dënuan:

  • Për mungesë të theksuar sinqeriteti dhe autokritike shumë të dobët lidhur me marrëdhëniet e tij me krye agjentin Mehmet Shehu;
  • Për oportunizëm e mungesë vigjilence, për lëshim në parime që i kanë shërbyer synimeve të egra të armikut Mehmet Shehu në dëm të interesave të Partisë e të popullit;
  • Për shkelje në mënyrë flagrante të objektivitetit shkencor të dokumenteve në studime dhe në botimin e materialeve për Mehmet Shehun, duke rënë kështu në subjektivizëm dhe shtrembërim të së vërtetës historike;
  • Për mosinformim në asnjë instancë të Partisë për dokumente shumë komprometuese të Mehmet Shehut, të cilat i kanë kaluar nëpër duar, sidomos një dokument zyrtar i zbulimit anglez, (tërhequr si mikrofilma nga arkivat e Londrës), ku ndër të tjera për agjentin Mehmet Shehu thuhet: “ambicia e tij ia kalon besnikërisë ndaj Partisë” dhe kjo lidhej me një opozitë që ata mendonin të krijonin në gjirin e Lëvizjes Nacional-Çlirimtare shqiptare;
  • Për mosinformim të disa bisedave të Mehmet Shehut me të, të bëra jo pa qëllim, si për programin demokratiko-borgjez të shkruar nga ai më 1942, pa i thënë përmbajtjen e vërtetë, por që Ndreçi Plasari “nuk u kujtua” t’ia thotë Partisë edhe pse kaluan 10 muaj pas vetëvrasjes;
  • Për frikën që ka pasur se mos armiku Mehmet Shehu, “si ministër i brendshëm”, mund të hakmerrej “me ndonjë shpifje”. Kjo si dhe pyetja që ka bërë në Konferencën e Partisë të Tiranës të vitit 1956, për dy udhëheqës të Partisë “pse nuk kanë marrë takime me popullin”, e vunë organizatën e Partisë në dyshime.

Për të gjitha këto, organizata bazë vendosi njëzëri t’i propozojë udhëheqjes së Partisë që Ndreçi Plasari:

  1. Të përjashtohet nga plenumi i Komitetit Qendror të PPSH-së dhe nga radhët e Partisë.
  2. Të largohet nga Instituti dhe të shkarkohet nga të gjitha funksionet e tjera drejtuese.
  3. Organi përkatës i nomenklaturës të vendosë për punën me të cilën do të merret në të ardhmen. Memorie.al

ORGANIZATA BAZË E INSTITUTIT TË STUDIMEVE M-L PRANË KOMITETIT QENDROR TË PPSH-së

 Tiranë, më 12.10.1982

                                                   Vijon numrin e ardhshëm

 

Copyright©“Memorie.al”

Të gjitha të drejtat e këtij materiali janë pronë ekskluzive dhe e patjetërsueshme e “Memorie.al”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj., pa autorizimin e “Memorie.al”, në të kundërt çdo shkelës do mbajë përgjegjësi sipas nenit 179 të Ligjit 35/2016  

ShareTweetPinSendShareSend

Previous Post

“I pandehuri Xhavit Qesja, e paraqet periudhën e Stalinit, si kohë ku sundonte terrori, dhuna dhe…”/ Debatet në gjyqin ndaj komunistit disident, Tiranë ‘67

Next Post

Kalendari Historik 1 Janar 2022

Artikuj të ngjashëm

“Kur ishin shtuar kontradiktat në mes nesh dhe rusëve, aty erdhi Mehmet Shehu dhe kur filloi të fliste, u ngrit një marinar sovjetik, duke bërtitur…”/ Dëshmia e ish-ushtarakut, për Pasha-Limanin në vitin 1960
Dossier

“Kur ishin shtuar kontradiktat në mes nesh dhe rusëve, aty erdhi Mehmet Shehu dhe kur filloi të fliste, u ngrit një marinar sovjetik, duke bërtitur…”/ Dëshmia e ish-ushtarakut, për Pasha-Limanin në vitin 1960

March 22, 2023
“Kur lexoi atë që kishte shkruar Dom Vlash Muçaj në murin e WC-së, At Zef Pllumi, u tmerrua dhe tha…”/ Refleksione për librin “Rrno për me tregue”, të fratit të famshëm
Dossier

“Kur lexoi atë që kishte shkruar Dom Vlash Muçaj në murin e WC-së, At Zef Pllumi, u tmerrua dhe tha…”/ Refleksione për librin “Rrno për me tregue”, të fratit të famshëm

March 20, 2023
“Gjatë bisedave me Fiqreten në burg, për Nexhmije Hoxhën dhe gruan e Ramiz Alisë, ajo më tha…”/ Dëshmia e rrallë e shoqes së qelisë në Zejmen
Dossier

“Gjatë bisedave me Fiqreten në burg, për Nexhmije Hoxhën dhe gruan e Ramiz Alisë, ajo më tha…”/ Dëshmia e rrallë e shoqes së qelisë në Zejmen

March 21, 2023
“Një veturë e zezë e Sigurimit më ndjek nga pas, i vetmi njeri, të cilit i pata treguar se do të arratisesha, më ka…”/ Refleksionet e djalit të ish-kryeministrit, Mehmet Shehu
Dossier

“Pak minuta para se të vdiste, Fiqrete Shehu, më kërkoi t’i merrja kostumin e mire, që kishte në garderobën e burgut dhe më tha…”/ Dëshmia e rrallë e shoqes së qelisë, në Zejmen, në ’88-ën

March 19, 2023
Memorie.al
Dossier

“Gjatë pushimeve në Vlorë, kur Sekretari i parë i Komitetit Qendror të Partisë, Enver Hoxha, të shkëmbente vizita me Mehmet Shehun, të gjente momentin, për…”/ Deponimet e Fiqret Shehut, gusht ‘83

March 18, 2023
“Nga themelues të shoqërisë aksionare të duhanit në kohën e Monarkisë, në mjekë, matematikanë, muzikantë e shkrimtarë të famshëm…”/ Historia e panjohur e familja elbasanase Kongoli
Dossier

“Nga themelues të shoqërisë aksionare të duhanit në kohën e Monarkisë, në mjekë, matematikanë, muzikantë e shkrimtarë të famshëm…”/ Historia e panjohur e familja elbasanase Kongoli

March 19, 2023
Next Post
Kalendari Historik 1 Janar 2022

Kalendari Historik 1 Janar 2022

“Historia është versioni i ngjarjeve të kaluara për të cilat njerëzit kanë vendosur të bien dakord”
Napoleon Bonaparti

Publikimi ose shpërndarja e përmbajtjes së artikujve nga burime të tjera është e ndaluar reptësisht pa pëlqimin paraprak me shkrim nga Portali MEMORIE. Për të marrë dhe publikuar materialet e Portalit MEMORIE, dërgoni kërkesën tuaj tek [email protected]
NIPT: L92013011M

Na ndiqni

  • Rreth Nesh
  • Privacy

© Memorie.al 2020 • Ndalohet riprodhimi i paautorizuar i përmbajtjes së kësaj faqeje.

No Result
View All Result
  • Albanian
  • English
  • Faqja Kryesore
  • Dossier
  • Intervista
  • Personazh
  • Dokumentar
  • Galeria e Fotove
  • Art & Kulture
  • Sport
  • Kalendari historik
  • Të Ndryshme
error: Content is protected !!