Memorie.al publikon disa foto të panjohura, të cilat i përkasin Shqipërisë së pasluftës, (viti 1947) kur Kryqi i Kuq Shqiptar, me ndihmat e siguruara nga UNRRA, (kryesisht të qeverisë SHBA-ve) shpërndante nëpër qytete të ndryshme të vendit, pako me ushqime dhe veshmbathje për shtresat e varfra në nevojë që gjendeshin kudo në qytetet dhe fshatrat e Shqipërisë së asaj kohe. Burra dhe gra të veshur keq, pleq e plaka me çanta, shporta dhe hejbe në krah, nëna të reja dhe të moshuar me fëmijë të vegjël e të uritur, me triska, dokumente identifikimi dhe trasta në duar, të gjithë në rradh para lokaleve e magazinave të Kryqit të Kuq Shqiptar ku ngarkohen dhe shkarkohen kuti e pako me ndihma, në pritje për të marrë një gotë qumësht, pako sheqer e oriz. Këto janë imazhet me pamjet trishtuese të disa prej qyteteve tona në Shqipërinë e pasluftës, ku vullnetarët e Kryqit të Kuq dhe partizanët me uniforma, u shërbejnë popullsisë së varfër të asaj kohe.
Copyright©“Memorie.al”
Të gjitha të drejtat e këtij materiali janë pronë ekskluzive dhe e patjetërsueshme e “Memorie.al”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj., pa autorizimin e “Memorie.al”, në të kundërt çdo shkelës do mbajë përgjegjësi sipas nenit 179 të Ligjit 35/2016
