1916 – Gjatë Luftës së Parë Botërore, kryeqyteti francez, Parisi, bombardohet nga ballonet me ajër Zeppelin të gjermanëve. Zeppelinët u përdorën gjërësisht gjatë këtij konflikti sidomos nga ushtria gjermane (e cila edhe i prodhoi) ndaj francezëve dhe britanikëve. Me mijëra ushtarë dhe civilë do të humbnin jetën nga këto bombardime. Pas luftës, Zeppelinët do të përdoreshin për transportin civil ajror.
1941 – Alexandros Koryzis bëhet Kryeministër i Greqisë pas vdekjes së papritur të paraardhësit të tij, diktatorit Ioannis Metaxas. Edhe pse ishte kryesisht i pafuqishëm, pasi qeveria kontrollohej nga Mbreti George II, Koryzis ende mbante barrën e pushtimit gjerman që filloi më 6 prill. Më pak se dy javë më vonë, më 18 prill, kur gjermanët marshuan drejt Athinës dhe qyteti u vendos nën ligjin ushtarak, ai bëri vetëvrasje.
1959 – Melodifestivalen e parë mbahet në Cirkus, të Stokholmit, në Suedi. Melodifestivalen është një konkurs vjetor i këngëve i organizuar nga transmetuesit publik suedez Sveriges Television (SVT) dhe Sveriges Radio (SR). Ai përcakton përfaqësuesin e vendit për konkursin e këngëve në Eurovizion, dhe është inskenuar pothuajse çdo vit që nga viti 1959. Ky është festivali më i madh në këtë vënd.
1966 – Lind në Rio de Janerio, Romario. Roamrio, është një politikan brazilian që më parë arriti famën në mbarë botën si një profesionist. Një sulmues i rrallë, i njohur për përfundimin e tij klinik, ai vlerësohet si një nga lojtarët më të mëdhenj të të gjitha kohërave. Romario luajti për Brazilin në suksesin e tyre në Kupën e Botës FIFA në 1994, duke marrë Topin e Artë FIFA si lojtar i turnout.
1969 – Vdes në Washington, në moshën 75 vjeçare, Allen Dulles. Dulles, ishte një diplomat dhe avokat amerikan që u bë drejtori i parë civil i Central Intelligence Agency (CIA), dhe drejtori me shërbimin më të gjatë deri më tani. Si kreu i CIA, gjatë Luftës së Ftohtë, ai mbikëqyri grushtin e shtetin në Iran, Guatemala, avionët Lockheed U-2, Projektin MKULTRA dhe Pushtimin i Gjirit të Derrave.
1996 – Presidenti Jacques Chirac njofton përfundimin e testimit të armëve bërthamore na Franca. Zyrtarisht Parisi ka kryer 210 teste bërthamore, gajtë zhvillimit të programit të tij të armëve të shkatërrimit në masë. Ndër to 50 teste kanë qënë atmosferike, dhe 160 të nëndheshme. Duke shtuar këtu edhe testet e kryera në Saharanë algjeriane dhe atollin e Paqësorit.
2001 – Mijëra studentë protestues në Indonezi sulmojnë parlamentin dhe kërkojnë që Presidenti Abdurrahman Wahid të japë dorëheqjen për shkak të përfshirjes së pretenduar në skandale të korrupsionit. Wahid ishte një udhëheqës fetar dhe politik mysliman indonezian që shërbeu si presidenti i katërt i Indonezisë nga 1999 deri në 2001. Pas protestave ai kërkoi azil politik në SHBA.
