1924 – Opozita gjeorgjiane organizon Kryengritjen e Gushtit kundër Bashkimit Sovjetik. Me qëllim rikthimin e pavarësisë së Gjeorgjisë nga Bashkimi Sovjetik, kryengritja u drejtua nga Komiteti për Pavarësinë e Gjeorgjisë, një bllok organizatash politike anti sovjetike të kryesuar nga Partia Social Demokratike Gjeorgjiane (Menshevik).
1942 – lind në Gjakovë, Kosovë, Ali Podrimja, në kohë lufte e rrethanash aspak të volitshme dhe pati një fëmijëri mjaft të vështirë. Ali Podrimja është autor i më shumë se dhjetë vëllimeve me poezi dhe mbahet sot nga kritika si përfaqësuesi më tipik i poezisë së sotme shqiptare dhe si një poet me emër dhe në shkallë ndërkombëtare. Pas pavarësisë së Kosovës, poezia e tij rifitoi lirizmin dhe ndjenjën poetike, por pa mundur të dalë krejtësisht nga stili i ngjeshur tradicional shqiptar. Poezia e tij ka bërë që poezia shqiptare në tërësi të respektohet në të gjithë trojet shqiptare, si dhe të përkthehet në shumë gjuhë të huaja. Vargu i Podrimjës karakterizohet nga thjeshtësia, rima e padukshme, dhe simbolet e papritura.
1943 – Vdes në moshën 50 vjeçare, Boris i III. Boris, ishte cari i Mbretërisë së Bullgarisë nga 1918 deri në vdekjen e tij. Djali i madh i Ferdinandit të Parë, Boris mori fronin pas abdikimit të babait të tij në vazhdën e humbjes së Bullgarisë në Luftën e Parë Botërore. Gjatë Luftës së Dytë Botërore, ai e rradhiti Bullgarinë në krahun e Gjermanisë.
1957 – Senatori amerikan Strom Thurmond fillon një program krijues për të parandaluar Senatin të votojë Aktin e të Drejtave Civile të vitit 1957. Ai nuk ndaloi së foluri 24 orë e 18 minuta më vonë, filibusteri më i gjatë i realizuar ndonjëherë nga një Senator i vetëm. Ky fjalim ishte një rast unik jo vetëm në Senatin amerikan.
1988 – Tre avionë të ekipit demonstrues të Frecce Tricolori përplasen dhe mbetjet bien në turmë. 75 persona, janë vrarë dhe 346 të tjerë, janë plagosur rëndë. Fatkeqësia e shfaqjes ajrore në Ramstein ndodhi të Dielën, gjatë fluturimit ajror të Flugtag 88 në bazën ajrore Ramstein të SHBA pranë Kaiserslautern, Gjermani Perëndimore.
2003 – Në “një nga kriminelët më të ndërlikuar dhe më të çuditshëm në dosjet e FBI”, Brian Wells vdes pasi u përfshi në një komplot masiv që përfshin një vjedhje banke, një gjueti të paligjshme, dhe një pajisje shpërthyese të bërë në shtëpi. Incidenti ka fituar një shtrirje të gjerë në media, përfshirë serialin Netflix Evil Genius.
2015 – Ndërron jetë Mark Krasniqi, ka qenë profesor, shkrimtar e akademik. Më 1945–1946 ka qenë gazetar-redaktor i gazetës Rilindja në Prizren, bashkë me Esad Mekulin e Omer Çerkezin, kurse prej vitit 1947–l949 ka punuar në Radio-Beograd (Redaksia e emisioneve në gjuhën shqipe) gazetar-redaktor. Prej 1950–1961 ka punuar në Akademinë Serbe të Shkencave në Beograd asistent, pastaj bashkëpunëtor shkencor. Ka diplomuar më 1950 në Beograd, kurse më 1960 ka doktoruar në Universitetin e Lubjanës. Prej 1961–1981 ka qenë profesor në Universitetin e Prishtinës, kur pushteti antishqiptar serbo-komunist e përjashtoi nga procesi mësimor. Ka qenë disa herë prodekan e dekan i Fakultetit Juridik-Ekonomik. Ka qenë nënkryetar e kryetar i Akademisë së Shkencave dhe të Arteve të Kosovës, kryetar i parë i Shoqatës së Shkrimtarëve të Kosovës (1970) dhe kryetar i Partisë Shqiptare Demokristiane të Kosovës (1993). Është anëtar i Akademisë së Shkencave dhe të Arteve të Kosovës dhe i Akademisë së Shkencave të Shqipërisë. Ka botuar më se 20 libra shkencorë, letrarë, publicistikë e tekste shkollore dhe ka përkthyer disa romane e përmbledhje poezish nga serbishtja e sllovenishtja në gjuhën shqipe. Mark Krasniqi ishte i martuar me një grua nga Beogradi, me te cilën e ka një vajzë , Drita, e cila po ashtu është e martuar me një Serb.
