1923 – Vdes në moshën 39 vjeçare në Lipnice, Jarosllav Hashek. Hashek, ishte një shkrimtar, humorist, satirist, gazetar bohem, dhe anarkist. Ai njihet më së miri për romanin e tij Fati i Ushtarit të Mirë Shvejk gjatë Luftës Botërore, një koleksion i papërfunduar i incidenteve për një ushtar në Luftën e Parë Botërore dhe një satirë mbi pafytyrësinë e figurave të autoritetit. Romani është përkthyer në rreth 60 gjuhë, duke e bërë atë romanin më të përkthyer në letërsinë çeke.
1957 – Kompania e Orave Hamilton, prezanton orën e parë elektrike. Kompania e Orave Hamilton është një prodhues zviceran i orëve të dorës me qendër në Bienne, të Zvicrës. Kompania Hamilton kishte gjenezën e saj si një kompani amerikane për krijimin e orës, e cila u themelua në 1892 dhe prodhoi orën e parë në 1893. Përmes një serie bashkimesh dhe blerjesh. Kompania Hamilton, u bë një konglomerat i larmishëm dhe u integrua më pas në grupin e famshëm, Swatch.
1961 – Gjatë Luftës së Ftohtë, Shtetet e Bashkuara të Amerikës, ndërpresin marrëdhëniet diplomatike me Kubën pas shtetëzimit që kjo e fundit, i bëri kompanive amerikane. Pas ardhjes në pushtet të forcave komuniste të udhëhequra nga Fidel Kastro, qeveria e Havanës, ndërmori një program shtetëzimi të të gjithë aseteve ekonomike të SHBA-së në ishull, duke rezultuar edhe në dëbimin e shtetasve amerikanë nga Kuba. Marrdhëniet diplomatike dhe ekonomike, midis dy vëndeve u rilidhën, dekada më pas.
1969 – Lind në Hurth, të Gjermanisë Michael Schumacher. Schumacher, është një ish pilot garash me makina, që garoi në Formula 1 për Grand Grand Prix, Benetton dhe Ferrari, ku ai kaloi pjesën më të madhe të karrierës së tij, si dhe për Mercedes pas kthimit të tij në sport. Ai është, konsideruar gjerësisht si një nga drejtuesit më të mëdhenj të Formula 1. Schumacher në vitin 2013, plagoset rëndë, gjatë një udhëtimi me ski, në Alpet e Zvicrës.
1976 – Fyn në fuqi Konventa Ndërkombëtare për të Drejtat Ekonomike, Sociale dhe Kulturore, e miratuar nga Asambleja e Përgjithshme e Kombeve të Bashkuara. Ajo i angazhon palët e saj që të punojnë në dhënien e të drejtave ekonomike, sociale dhe kulturore (ESCR) për territoret dhe vetë individët jo-qeverisës dhe besimit, përfshirë të drejtat e punës dhe të drejtën për shëndet, të drejtën për arsim dhe të drejtën në një standart adekuat të jetesës. Kjo konventë, që nga dita e nënshkrimit, është ratifikuar nga 175 shtete.
1977 – Krijohet për herë të parë kompjuteri i markës Apple. Apple Inc. është një kompani amerikane e teknologjisë shumëkombëshe me seli në Cupertino, te Californias, që harton, zhvillon dhe shet elektronikë të konsumit, softuer kompjuterik dhe shërbime online. Apple Inc, konsiderohet si një nga kompanitë e teknologjisë Big Four, së bashku me Amazon, Google dhe Facebook-un. Lideri historik i kësaj kompanie ka qënë Steve Jobs.
1990 – Gjatë pushtimit të Panamasë nga Shteteve të Bashkuara të Amerikës, Manuel Noriega, ish-udhëheqësi i Panamasë, i dorëzohet forcave amerikane. Në vitin 1988, Noriega u padit nga juritë e mëdha federale në Miami dhe Tampa me akuzat e trafikut, kontrabandës së drogës, dhe pastrimit të parave. Ai u dënua me 40 vjet burg, dhe përfundimisht vuajti 17 vjet pas një uljeje të dënimit, për sjellje të mirë. Por pas lirimit nga SHBA, ai u burgos në Panama, me akuzat e krimeve kundër popullit të tij.
2004 – Avioni civil i linjës ajrore, Flash Airlines 604 përplaset në Detin e Kuq, duke rezultuar në vdekjen e 148 pasagjerëve, duke e bërë atë një nga aksidentet më vdekjeprurëse të aviacionit në historinë e Egjiptit. Shumica e pasagjerëve të vdekur ishin turistë francezë. Hetimet për shkatimin e këtij aksidenti ishin të diskutueshme pasi, nuk u arrit në një përfundim të caktuar për shkaqet e ndodhjes së kësaj përplasjeje. Këto shkaqe kanë mbetur mister, edhe sot e kësaj dite.
