1909 – Louis Bleriot bën fluturimin e parë përmes kanalit anglez në një makinë më të rëndë se ajri nga Calais e Francës, në Dover, të Anglisë, në vetëm 37 minuta. Njëkohësisht ai, ishte themeluesi i Bleriot Aeronautique. Bleriot Aeronautique ishte një kompani e madhe dhe e suksesshme e prodhimit të avionëve në Europë.
1934 – Vdes në moshën 41 vjeçare, Engelbert Dollfus. Dollfus, ishte një politikan austriak që shërbeu si Kancelar i Austrisë midis viteve 1932 dhe 1934. Ai u vra si pjesë e një përpjekje të dështuar për grusht shteti nga agjentët nazistë në 1934. Pasardhësi i tij Kurt Schuschnigg mbajti regjimin deri në aneksimin e Adolf Hitlerit të Austrisë në 1938.
1946 – Gjatë testimi të armëve bërthamore, në Operacionin Crossroads, një bombë atomike shpërthehet nën ujë në lagunën e Atollit të Bikini. Ato ishin provat e para të armëve bërthamore që nga Triniteti në korrik 1945, dhe shpërthimet e para të pajisjeve bërthamore që nga bombardimi atomik i Nagasaki në 9 gusht 1945.
1956 – Dyzet e pesë milje në jug të ishullit Nantucket, linja italiane e oqeanit SS Andrea Doria përplaset me anijen tjetër, MS Stokholm, gjatë një mjegulle të rëndë dhe mbytet ditën tjetër, duke vrarë 51 vetë në bord. Ky aksident mbetet katastrofa më e madhe detare që ndodhi në ujërat e Shteteve të Bashkuara që nga fundosja e SS Eastland në 1915.
1964 – Lind në Washington Anne Applebaum. Applebaum, është një gazetare dhe historiane amerikane. Ajo ka shkruar gjerësisht për Komunizmin dhe zhvillimin e shoqërisë civile në Evropën Qendrore dhe Lindore. Gjithashtu, ka redaktuar në The Economist dhe The Spectator, dhe ishte anëtare i bordit editorial të The Washington Post.
1976 – Gjatë Programit Viking, Viking 1 merr fotografinë e famshme të njërës prej faqjeve të planetit Mars. Viking 1 ishte i pari nga dy anije kozmike të dërguar në Mars si pjesë e programit të NASA-s. Viking 1 mbajti rekordin për misionin më të gjatë në sipërfaqe të Marsit prej 2307 ditësh derisa ai rekord u thye nga rover Opportunity.
1994 – Izraeli dhe Jordani nënshkruajnë Deklaratën e Washingtonit, që zyrtarisht përfundon gjendjen e luftës që kishte ekzistuar midis kombeve që nga viti 1948. Traktati zgjidhi marrëdhëniet midis dy vendeve, rregulloi mosmarrëveshjet e tokës dhe ujit dhe siguroi një bashkëpunim të gjerë në sektorët e turizmit dhe tregtisë.
2000 – Avioni civil i fluturimit 4590 Concorde Air France u rrëzua në aeroportin e Parisit Charles de Gaulle, duke vrarë 113 njerëz. Shkak për këtë u bë djegia e një nga motorrëve shtytës të këtij avioni. Ky, ishte i vetmi aksident fatal i një avioni të tipit Concorde gjatë historisë së tij të fluturimeve 27-vjeçare.
