1900 – Vdes në moshën 55 vjeçare, Friedrich Nietzche. Nietzche, ishte një filozof gjerman, kritik kulturor, kompozitor, poet dhe filolog, puna e të cilit ka ushtruar një ndikim të thellë në historinë moderne intelektuale. Ai jetoi vitet e tij të mbetura në kujdesin e nënës së tij deri në vdekjen e saj në 1897 dhe më pas me motrën e tij.
1916 – Krijohet Shërbimi i Parkut Kombëtar të Shteteve të Bashkuara. Shërbimi i Parkut Kombëtar (NPS) është një agjenci e qeverisë federale të Shteteve të Bashkuara që administron të gjitha parqet kombëtare, shumë monumente kombëtare, dhe pronat e tjera të ruajtjes dhe historisë me përcaktime të ndryshme titujsh.
1933 – Tërmeti Diexi godet Qarkun Mao, në Sichuan, të Kinë dhe vret mbi 9.000 njerëz. Ky tërmet shkatërroi qytetin e Diexi dhe fshatrat përreth, dhe shkaktoi shumë rrëshqitje të dheut. Qyteti i vjetër i Diexi u zhyt në liqenin po me të njëjtin emër të krijuar nga digat rrëshqitëse. Ky tërmet do të llogaritej si më i forti i atij viti.
1944 – Gjatë Luftës së Dytë Botërore, Parisi është çliruar nga aleatët. Çlirimi filloi kur Forcat Franceze të Brendshme, struktura ushtarake e Rezistencës Franceze, organizuan një kryengritje kundër garnizonit gjerman me afrimin e Ushtrisë së Tretë të SHBA, të udhëhequr nga gjenerali George Patton. Rol të veçantë në këtë operacion luajti dhe De Gaulle.
1970 – Lind në Rheinberg, Claudia Schiffer. Schiffer, është një modele, aktore dhe stiliste gjermane, me qendër në Mbretërinë e Bashkuar. Ajo u ngrit në famë në vitet 1990 si një nga modelet më të suksesshme në botë, duke çimentuar statusin e saj prej supermodeleje. Në karrierën e saj të hershme, ajo u krahasua me Brigitte Bardot.
1945 – Dhjetë ditë pasi Lufta e Dytë Botërore përfundon me Japoninë duke njoftuar dorëzimin e saj, përkrahësit e armatosur të Partisë Komuniste Kineze vrasin oficerin e inteligjencës amerikane John Birch, i konsideruar nga disa të analistë amerikane si viktima e parë e Luftës së Ftohtë. Birch, shërbente si agjent i OSS në Kinë prej disa vitesh.
1991 – Fillon Beteja e Vukovarit. Kjo betejë, do të ishte një rrethim 87-ditor i qytetit të rëndësishëm kroat nga Ushtria Popullore Jugosllave (JNA), e mbështetur nga forca të ndryshme paramilitare serbe, midis gushtit dhe nëntorit të 1991 (gjatë Luftës për Pavarësisë të Kroacisë). Gjatë këtyre luftimeve të dyja palët do të kryenin spastrime etnike.
2006 – Ish-kryeministri i Ukrainës Pavlo Lazarenko është i dënuar me nëntë vjet burg për pastrim parash, korrupsion, dhe zhvatje. Sipas Kombeve të Bashkuara, rreth 200 milion dollarë amerikanë u përvetësuan nga Lazarenko gjatë periudhës së viteve 1996-97 nga qeveria e Ukrainës. Ai konsiderohet si një ndër qeveritarët më të larë të këtij vëndi, i dënuar.
