1906– lindi në Gjakovë Rexhep Krasniqi, qenë mësues, nëpunës, ministër i shtetit shqiptar, veprimtar e mbrojtës i të drejtave shqiptare n’arenën ndërkombëtare. Nga fundi i 1944 largohet bashkë me Xh. Devën, Tahir Zajmin, Rexhep e Xhelal Mitrovicën lëvizën drejt Kroacisë e më pas në Vienë të Austrisë ku bien në kontakt me aleatët të cilët i strehojnë në një hotel. Thirret në Europë nga ambasada amerikane më 1948 për të bashkëpunuar me aleatët për gjendjen matanë ‘perdes së hekurt’. Më 1951 niset drejt Australisë, së bashku me Xhelal Mitrovicën do të botonin gazetën “Vatra shqiptare”. Punon në industrinë e makinave, pranë firmës “General Motors”. Në fillim të vitit 1956 një zyrtar i ministrisë së jashtme amerikane shkoi në Australi dhe u takua me R. Krasniqin, me rekomandim të Devës. Në prill të atij viti z. Krasniqi merr një telegram nga kjo ministri me anë të cilit ftohet në Washington për bisedime rreth riorganizimit të Komitetit. Pas pak ditësh z. Krasniqi shkoi në Washington dhe filloi bisedimet me kushte. Më 1994 dekorohet nga Presidenti Sali Berisha me titullin “Naim Frashëri” të klasit të parë. Vdiq më 13 shkurt 1999, duke lënë amanet që biblioteka e tij e pasur t’i dhurohej “Vatrës”. Për varrimin e tij u kujdes miku i tij, publicisti, shkrimtari e studiuesi, z. Idriz Lamaj.
1915 – Arrestimi i 250 intelektualëve armenë dhe udhëheqësve të këtij komuniteti në Stamboll shënon fillimin e gjenocidit armen. Gjenocidi armen,(i njohur dhe si Holokausti armen) ishte vrasja sistematike masive dhe dëbimi i 1.5 milion armenëve etnikë të kryera në Turqi dhe rajone fqinje nga qeveria osmane midis viteve 1914 dhe 1923. Një sërë vëndesh në botë e kanë njohur zyrtarisht këtë genocide edhe pse, Turqia, vazhdon ta mohojë atë.
1926 – Nënshkruhet Traktati i Berlinit, nga Gjermania dhe Bashkimi Sovjetik. Secili zotohet për neutralitet në rast të një sulmi ndaj një tjetri nga një palë e tretë për pesë vitet e ardhshme. Traktati riafirmoi Marrëveshjen gjermano-sovjetike të Rapallo të nënshkruar në vitin 1922. Ratifikimet për traktatin u shkëmbyen në Berlin më 29 qershor 1926 dhe ai hyri në fuqi në të njëjtën ditë.
1957 – Gjatë Krizës së Suezit, kanali i Suezit, rihapet pas futjes së paqeruajtësve të UNEF në këtë rajon. Kriza e Suezit, ishte një pushtim i Egjiptit në fund të vitit 1956 nga Izraeli, i ndjekur nga Mbretëria e Bashkuar dhe Franca. Qëllimet ishin të rimerrnin kontrollin perëndimor të Kanalit të Suezit dhe të hiqnin presidentin egjiptian Gamal Abdel Nasser, i cili sapo kishte nacionalizuar kanalin.
1960 – Vdes në moshën 80 vjeçare, Max Von Laue. Von Laue, ishte një fizikant gjerman që fitoi Çmimin Nobel në Fizikë në 1914 për zbulimin e tij të difraksionit të rrezeve X nga kristalet. Përveç përpjekjeve të tij shkencore në optikë, kristografografi, teori kuantike, dhe relativitet, ai drejtoi kërkimin dhe zhvillimin shkencor gjerman. Një kundërshtar i nazizmit, ai kontribuoi në rivendosjen e shkencës gjermane pas Luftës së Dytë Botërore.
1968 – Lind në Skënderaj, Hashim Thaçi. Thaçi, është një politikan kosovar që ka mbajtur postin e Presidentit të Kosovës që nga prilli i vitit 2016. Ai ishte Kryeministri i parë i Kosovës, Ministri i Jashtëm dhe Zëvendës Kryeministër në kabinetin e ri të udhëhequr nga Isa Mustafa, i cili mori detyrën në 12 dhjetor 2014. Gjithashtu ai, njihet si një ndër themeluesit dhe eksponentët kryesorë të UÇK-së.
1970 – Kina lëshon Hong Fang Hong I, duke u bërë vendi i pestë që vendos një objekt në orbitë duke përdorur përforcuesin e vet. Ai, ishte sateliti i parë hapësinor i Kinës që u nis si pjesë e programit satelitor hapësinor të Dongfanghong. Ky satelit, ishte më i rëndë se ato të vendeve të tjera. Sateliti mbante një transmetues radio që transmetonte himnin de-fakto kombëtar me të njëjtin emër. Transmetimi zgjati 20 ditë ndërsa ishte në orbitë.
1980 – Tetë ushtarakë amerikanë vdiqën në Operacionin Eagle Claw ndërsa përpiqeshin t’i jepnin fund krizës së pengjeve në Iran. Operacioni Eagle Claw, ishte një operacion i Forcave të Armatosura të SHBA, të urdhëruara nga Presidenti Jimmy Carter që përpiqej të përfundonte krizën e pengjeve në Iran duke shpëtuar pjestarët e ambasadës të mbajtur peng. Ky operacion ushtarak, dështoi pasi, iranianët, qëlluan helikopterët që në zbritjen e tyre.
1996 – Në Shtetet e Bashkuara, Akti i Antiterrorizmit dhe Dënimit me Vdekje i 1996 u miratua si ligj, në Kodin Penal. Projekt-ligji u prezantua nga Udhëheqësi i atëhershëm të Senatit Bob Dole dhe kaloi me mbështetje të gjerë nga Kongresi (91-8 në senati amerikan, 293-133 në Dhomën e Përfaqësuesve të SHBA pas bombardimeve të Qendrës Botërore të Tregtisë në vitin 1993 dhe bombardimeve të Qytetit Oklahoma të 1995. Ai u nënshkrua në ligj nga Presidenti Bill Klinton.
