1934 – Zveno dhe segmente të Ushtrisë Bullgare zhvilluan një grusht shteti dhe instalojnë Kimon Georgiev si Kryeministrin e ri të Bullgarisë. Grushti shteti nuk u prit mirë nga partitë e tjera politike, por ata nuk ishin në gjendje ta kundërshtonin atë. Qeveria e re shfuqizoi përkohësisht Kushtetutën e Tarnovo, shpërndau Asamblenë Kombëtare dhe ndaloi partitë politike, organizatat revolucionare dhe sindikatat.
1946 – Lind në Ascoli, Michele Placido. Placido, është një aktor dhe regjisor i kinematografisë italiane. Ai njihet më shumë për rolin e Corrado Cattani në serialin televiziv La Piovra. Në vitin 2008, në një përmbysje të roleve, ai portretizoi shefin e mafies Bernardo Provenzano në filmin L’Ultimo Padrino. Një rol i dallueshëm për audiencën amerikane është ai i një biznesmeni italian në komedinë e vitit 1988 Big Business.
1961 – Gjatë Programit Venera, Venera 1 bëhet objekti i parë i krijuar nga njeriu që fluturoi nga një planet tjetër duke kaluar Venusin (sonda kishte humbur kontaktin me Tokën një muaj më parë dhe nuk dërgoi asnjë të dhënë). Venera 1 ishte një sondë 643.5 kilogramëshe, e përbërë nga një trup cilindrik 1.05 metra me diametër të mbërthyer nga një kube, në lartësi totale prej 2.035 metrash.
1964 – Ndërron jetë Abdurrahman Haxhiu, njohur si Roza Haxhiu është një ish futbollist profesionist dhe trajner shqiptar, emrin e të cilit mban dhe stadiumi i Lushnjes. Haxhiu nisi karrierën e tij futbollistike në vitin 1947 te ekipi i të rinjve të Lushnjes, në atë kohë i quajtur “Traktori Lushnje”, pasi ra në sy të trajnerit Dilaver Toptani. Ai qëndroi te Lushnja deri në vitin 1949 para se të kalonte për një periudhë të shkurtër te Besa. Në vitin 1951, ai u transferua te Partizani ku do të kalonte një periudhë të suksesshme, duke fituar kampionatin tre herë rresht si dhe kupën dy herë.[2] Ai qëndroi te Partizani për shumicën e karrierës së tij, nga viti 1951 deri në vitin 1958 kur fitoi dhe medaljen e argjendtë në Laipzig. Pas Partizanit, ai u transferua dhe qëndroi te Dinamo për 1 vit ku dhe mbylli karrierën e tij si futbollist. Në vitin 1960, Haxhiu punoi si trajner i Lushnjes duke i dhënë asaj një ngjitje historike në vendin e parë atë kampionat. Pak më vonë do të punonte për pak kohë si trajner i Pogradecit që do të ishte dhe përmbyllja e karrierës së tij si trajner.
1986 – Akti për mbrojtjen e pronarëve të armëve të zjarrit nënshkruhet në ligj nga Presidenti amerikan Ronald Reagan. Ky akt, adresoi abuzimet e shënuara në raportin e Nënkomitetit të Gjykatës së Senatit 1982. Ndër reformat që synojnë të lehtësojnë kufizimet në shitjet e armëve ishin rihapja e shitjeve ndërshtetërore të armëve, mbi një bazë të kufizuar, legalizimi i dërgesave të municioneve përmes Shërbimit Postar të SHBA.
1991 – Ndërron jetë Nexhmedin Zajmi ka qenë arsimtar dhe piktor shqiptar. Zajmi kreu studimet e larta në Akademinë e Arteve të Bukura në Romë (Itali). Student i mjeshtrit Carlo Siviero , nga viti 1939-1944, Zajmi realizon disa tablo që janë edhe veprat e para të tij, ku mund të veçohen ajo e “Punëtorit të vogël”, “Pamje nga fusha e Romës”, “Brendija”. Pasi kryen studimet dhe mbrojtjen e diplomës, Zajmi kthehet në Shqipëri e bashkë me një grup piktorësh e artistësh që u diplomuan në akademitë jashtë vendit, janë mësuesit e parë të brezit më të ri të piktorëve, skulptorëve dhe artistëve shqiptarë.Pas kthimit në atdhe më 1944 emërohet pedagog në Gjimnazin e Shtetit në Tiranë (1945) dhe një vit më pas në Liceun Artistik “Jordan Misja”. Në vitin 1955, ai punon si Drejtor i Galerisë Kombëtare të Arteve në Tiranë dhe më pas rikthehet në Liceun Artistik si pedagog, ku jep mësim deri në vitin 1963. Po në këtë vit emërohet pedagog në atelienë e pikturës në Akademinë e Arteve të Bukura në Tiranë (ish-I.L.A), ku punoi deri në vitin 1969. Nexhmedin Zajmi është nderuar me disa çmime në konkurset e ndryshme Kombëtare të organizuara nga Ministria e Kulturës dhe është laureant i disa çmimeve të Republikës. Në vitin 1961 i jepet titulli “Piktor i Popullit”. Në aktivitetin artistik rreth 40 -vjeçar, piktori Nexhmedin Zajmi është pjesëmarrës në 27 ekspozita kombëtare. Në Galerinë Kombëtare të Arteve në Tiranë ndodhen 72 vepra të piktorit Zajmi, ndër të cilat edhe 2 tablotë e realizuara gjatë viteve ’40 në Itali.
1994 – Vdes në moshën 64 vjeçare Jacqueline Kennedy Onassis. Jacqueline Kennedy, ishte Zonja e Parë e Shteteve të Bashkuara gjatë presidencës së John F. Kennedy dhe vlerësohej si një ikonë ndërkombëtare e stilit dhe kulturës. Në vitin 1968, ajo u martua me magnatin grek të transportit, Aristotle Onassis. Pas vdekjes së Onassis në 1975, ajo pati një karrierë si redaktore e librave në New York.
2007 – Presidenti i Rumanisë Traian Basescu i mbijeton një referendumi të fajësimit dhe kthehet në detyrë nga pezullimi. Ndërsa Gjykata Kushtetuese e Rumanisë pranoi votimin e Parlamentit të nesërmen, Basescu mbeti i pezulluar nga pozita e presidentit derisa referendumi të sqaronte situatën. Megjithëse nuk është fajësuar, ai është presidenti i parë në historinë e Rumanisë që është pezulluar zyrtarisht.
