1922 – Aviatorët portugezë Gago Coutinho dhe Sacadura Cabral përfundojnë kalimin e parë ajror të Atlantikut të Jugut. Megjithëse Atlantiku i Veriut ishte përshkuar tashmë në një fluturim pa ndalesë nga John Alcock dhe Arthur Brown në 1919, fluturimi i Coutinho dhe Cabral mbetet si një moment historik në aviacionin transatlantik, dhe për përdorimin e tij të teknologjive të reja.
1940 – Gjatë Luftës së Dytë Botërore, RMS Lancastria është sulmuar dhe fundosur nga Luftëaffe afër Saint-Nazaire, të Francës. Të paktën 3.000 vetë janë vrarë në fatkeqësinë më të madhe detare të Britanisë. Ky transoqeanik shërbente për evakuimin e banorëve të Londrës, nga zonat e prekura rëndë, të bombardimeve gjermane.
1942 – Lind në Cairo, Mohamed El Baradei. El Baradei, është një studiues dhe diplomat egjiptian i ligjit, i cili shërbeu si Zëvendës President i Egjiptit. Ai ishte Drejtori i Përgjithshëm i Agjencisë Ndërkombëtare të Energjisë Atomike, një organizatë ndërqeveritare nën kujdesin e Kombeve të Bashkuara, në 1997-2009. Ai dhe IAEA morën së bashku Çmimin Nobel për Paqen në 2005.
1953 – Gjatë Luftës së Ftohtë, ndodh Kryengritja e Punëtorëve të Gjermanisë Lindore. Në Berlinin Lindor, Bashkimi Sovjetik urdhëron një division të tijin, për të shuar rebelimin e puntorve. Gjatë këtyre protestave masive, 5 policë gjermano-lindorë do të humbnin jetën, ndërsa nga pala e demostruesve, do të llogariteshin afro 100 të vrarë.
1967 – Gjatë Testimit të armëve bërthamore, Republika Popullore e Kinës njofton një provë të suksesshme të armës së saj të parë termonukleare. Me testimin e suksesshëm të kësaj pajisje trefazore termonlear, Kina u bë vendi i katërt që pati sukses dhe zhvilloi një armë termonukleare pas Shteteve të Bashkuara, Bashkimit Sovjetik dhe Mbretërisë së Bashkuar.
1982 – Vdes në moshën 62 vjeçare duke u vetëvrarë, Roberto Calvi. Calvi, ishte një bankier italian, dhe ishte Kryetar i Banco Ambrosiano, i cili u rrëzua në një nga skandalet më të mëdha politike të Italisë. Vdekja e Calvit në Londër në 1982 është një burim i një polemike të qëndrueshme dhe një hetimi të pavarur rreth tij.
1991 – Gjatë Apartheidit, Parlamenti i Afrikës së Jugut shfuqizon Aktin e Regjistrimit të Popullsisë i cili kërkonte klasifikimin racor të të gjithë Afrikanëve të Jugut gjatë lindjes. Ky akt do të paraprinte në zhvillimet e mëvonshme për eliminimin vendimtar të sistemit rracist të Apartheidit në tërë territorin e Afrikës së Jugut.
