1935 – Një armëpushim është negociuar midis Bolivisë dhe Paraguait, duke i dhënë fund Luftës Chaco. Lufta e Chaco, u zhvillua midis Bolivisë dhe Paraguait për kontrollin e pjesës veriore të rajonit Gran Chaco në Amerikën e Jugut, i cili mendohej se ishte i pasur me naftë. Ky ishte konflikti më i madh në Amerikën e Jugut gjatë shek XX.
1954 – Papa Pius XII kanonizon Dominic Savio, i cili ishte 14 vjeç në kohën e vdekjes së tij, si një shenjt, duke e bërë atë në kohën e shenjtorit më të ri të pa martuar në Kishën Katolike Romake. Në 2017 Jacinta dhe Francisco Marto, të moshës nëntë dhe dhjetë vjeçare, në kohën e vdekjes së tyre, janë shpallur gjithashtu shenjtorë.
1964 – Aktivisti anti-aparteid dhe udhëheqësi i ANC Nelson Mandela dënohet me burgim të përjetshëm për sabotim në Afrikën e Jugut. Mandela vuajti 27 vjet burg, i ndarë midis ishullit Robben, burgut Pollsmoor dhe burgut Victor Verster. Presidenti F. W. de Klerk e liroi atë në 1990. Të dy bashkë, drejtuan përpjekjet fundin e aparteidit.
1974 – Lindi në Tiranë Lulzim Basha, politikan shqiptar, ish-Ministër i Jashtëm i Shqipërisë, ish-deputet i Legjislaturës XVIII të Kuvendit të Shqipërisë, kryetar i Partisë Demokratike dhe ish-kryetar i Bashkisë së Tiranës gjatë mandatit 2011-2015. Gjatë periudhës maj 1998 – korrik 1999, Lulzim Basha u bë pjesë e skuadrës që përgatiti aktakuzën për krime lufte ndaj Sllobodan Millosheviçit në Gjykatën Ndërkombëtare për Krimet e Luftës në ish-Jugosllavi.
1979 – Bryan Allen fiton çmimin e dytë Kremer për një fluturim të mundësuar nga njeriu përmes Kanalit anglez në Gossamer Albatross. Ai e arriti famën kur pilotoi dhe siguroi fuqinë njerëzore për, të dy aeroplanët që fituan dy çmimet e para Kremer për fluturimin me energji njerëzore. Më pas Allen, vendosi disa rekorde botërore.
1981 – Lind në Bahia, Adriana Lima. Lima, është një modele dhe aktore braziliane, e njohur më së shumti si një Victoria Secret Angel nga viti 1999 deri në vitin 2018. Ajo u emërua si “Engjëlli më i vlefshëm i Victoria’s Secret” në 2017. Lima, njihet gjithashtu që nga viti 2003, dhe për reklamat e saj Super Bowl dhe Kia Motors.
1987 – Ish-perandori i Republikës Qendrore të Afrikës, Jean Bedel Bokassa dënohet me vdekje për krimet që ai kishte kryer gjatë sundimit të tij 13-vjeçar. Dënimi me vdekje atij, iu shndërrua më vonë në burgim të përjetshëm, por ai u la i lirë në vitin 1993. Jean Bedel Bokassa, jetoi një jetë private në Bangui, dhe vdiq në nëntor 1996.
1991 – Rusët për herë të parë në histori, zgjodhën në mënyrë demokratike Boris Yeltsin si President të Rusisë. Zgjedhjet u mbajtën afërsisht tre muaj pasi u votua në favor të krijimit të një presidence dhe mbajtjen e zgjedhjeve të drejtpërdrejta në një referendum të mbajtur në mars të atij viti. Rezultati ishte një fitore për Boris Yeltsin.
1999 – Më 12 qershor të vitit 1999, pas 78 ditë bombardimesh të Aleancës Ushtarake Perëndimore të udhëhequr nga Amerika kundër caqeve ushtarake serbo-malazeze në Kosovë në Serbi dhe Mal të Zi, trupat e NATO-s hynë në Kosovë në misionin paqeruajtës që do të quhej KFOR, duke i dhënë fund luftës gati dyvjeçare midis popullsisë kryengritëse shqiptare të organizuar në radhët e Ushtrisë Çlirimtare të Kosovës dhe forcave okupuese ushtarake dhe policore serbo-malazeze.25 vjet më parë në Kosovë u vendosën 50 mijë ushtarë të NATO-s dhe bashkë me ta edhe administrata e përkohshme e Kombeve të Bashkuara. Hyrja e ushtarëve të NATO-s hapi rrugën e kthimit në shtëpitë, tokën dhe vendin e tyre mbi një milion shqiptarëve të Kosovës.
2003 – Vdes në moshën 87 vjeçare, Gregory Peck. Peck, ishte një aktor amerikan. Ai ishte një nga yjet më të njohur të filmit nga vitet ’40 deri në vitet ’60. Rolet e tij të nominuara për Oscar janë, në The Keys of Kingdom, The Yearling, Roman Holiday, Gentlemans Agreement, To Kill a Mockingbird, dhe Twelve O’Clock High.
