1914 – Në përgjigje të pushtimit gjerman të Belgjikës, Belgjika dhe Perandoria Britanike i shpallin luftë Gjermanisë. Shtetet e Bashkuara deklarojnë neutralitetin e saj. Më herët, më 24 korrik, qeveria belge e kryesuar nga mbreti Albert, kishte njoftuar se nëse do të vinte lufta do të mbështeste neutralitetin e saj historik.
1944 – Gjatë Holokaustit, një këshillë nga një informator hollandez çon Gestapon, në një zonë të mbyllur, pranë një depoje të Amsterdamit, ku ata gjejnë dhe arrestojnë ditaristen hebreje Anne Frank, familjen e saj dhe katër të tjerë. Ditari i Anne Frank, pas luftës do të bëhej një nga librat më të shitur në mbarë botën. Në të, dëshmohej realiteti i holokaustit.
1961 – Lind në Honolulu, Barack Obama. Obama, është një politikan dhe avokat amerikan që shërbeu si presidenti i 44-të i Shteteve të Bashkuara nga 2009 deri në 2017. Një anëtar i Partisë Demokratike, Barack Obama ishte presidenti i parë afrikano-amerikan i Shteteve të Bashkuara. Ai më parë shërbeu si një senator amerikan nga Illinois nga 2005 në 2008.
1964 – Punonjësit e të drejtave civile Michael Schwerner, Andrew Goodman, dhe James Chaney, janë gjetur të vdekur në Mississippi pasi u zhdukën më 21 qershor. Gjatë hetimit doli që anëtarët e Kalorësve të Bardhë vendas të Ku Klux Klan, Zyrës së Sherifit të Qarkut Neshoba dhe Departamentit të Policisë së Filadelfias ishin përfshirë në incident.
1974 – Një bombë shpërthen në trenin e Italicus Express në San Benedetto të Val di Sambro, në Itali, duke vrarë 12 njerëz dhe plagosur 22 të tjerë. Përgjegjësia u mor nga organizata terroriste neo-fashiste Ordine Nero. Ky konsiderohet si një ndër atentatet më të rënda në historinë e Italisë. Të tilla vepra terroriste do të pllakosnin Italinë e viteve 70-80.
1990 – Vdes në moshën 96 vjeçare, Ettore Maserati. Maserati, ishte një inxhinier automobilistik italian, një nga pesë vëllezërit që themeloi firmën Maserati në Bolonja, në vitin 1914. Ettore dhe vëllezërit e tij Ernesto, dhe Bindo, u zhvendosën me kompaninë për në Modena. Në vitin 1947 ata themeluan kompaninë OSCA Maserati. Ai doli në pension në 1966.
1995 – Operacioni Stuhia fillon në Kroaci. Operacioni Stuhia, ishte beteja e fundit kryesore e Luftës së Pavarësisë së Kroacisë dhe një faktor kryesor në rezultatin e Luftës së Bosnjës. Kjo, ishte një fitore vendimtare për Ushtrinë Kroate, e cila sulmoi përtej një fronti prej 630 kilometrash, kundër republikës serbe të Krajinas.
2007 – Është nisur në hapësirë, anija kozmike e NASA-s, Phoenix. Phoenix ishte një anije hapësinore robotike që zbarkoi në Mars në 25 maj 2008 dhe funksionoi deri më 2 nëntor. Instrumentet e tij u përdorën për të vlerësuar vendbanimin lokal dhe për të studiuar historinë e ujit në Mars. Misioni ishte pjesë e Programit të Scout Mars.
