1938 – Rekordi botëror i shpejtësisë për një lokomotivë me avull është vendosur në Angli, nga Mallard, i cili arrin një shpejtësi 203 km në orë. Ajo shkatërroi rekordin e Gjermanisë së vitit 1936 (DRG Class 05) me 200 km në orë. Përpjekja për rekord u realizua gjatë provave të një freni të ri me veprim të shpejtë (frena e Westinghouse “QSA”).
1944 – Gjatë Luftës së Dytë Botërore, Minsku çlirohet nga kontrolli nazist, nga trupat sovjetike gjatë Operacionit Bagration. Me mbarimin e rezistencës efektive gjermane në Bjellorusi, sulmi sovjetik vazhdoi më tej drejt Lituanisë, Polonisë dhe Rumanisë gjatë Korrikut dhe Gushtit. Ky ishte një nga operacionet më të mëdha ushtarake sovjetike.
1962 – Lind në New York, Tom Cruise. Cruise, është një aktor dhe producent amerikan. Ai ka marrë vlerësime të ndryshme për punën e tij, përfshirë tre çmime Golden Globe dhe tre nominime për Academy Awards. Me një vlerë neto prej 570 milion dollarësh, ai është një nga aktorët më të paguar në botë. Disa nga filmat e tij janë, Eyes Wide Shut, Last Samurai
1967 – Gjatë emergjencës së Adenit, ndodh Beteja e Kraterit në të cilën regjimenti britanikët Argyll dhe Sutherland Highlanders rimarrin rrethin e Crater pas kryengritjes së Policisë Arabe. Më 30 nëntor të vitit 1967, forcat britanike u tërhoqën nga gadishulli arabik, dhe u shpall Republika e pavarur Popullore e Jemenit të Jugut.
1968 – Lindi në Gllogjan, afër Deçanit në rajonin e Kosovës Ramush Haradinaj, një politikan dhe ish-komandant i Ushtrisë Çlirimtare të Kosovës (UÇK). Pas demilitarizimit të UÇK-së(Ushtria Çlirimtare e Kosoves) pas hyrjes së NATO-s në Kosovë në vitin 1999, UÇK-ja u transformua në Trupat Mbrojtëse të Kosovës (TMK). Në këtë forcë të re, Haradinaj ishte komandant deputet, nën udhëheqjen e Agim Çekut, dhe konsiderohet të ketë qenë një figurë qendrore në sigurimin e tranzicionit të suksesshëm në një forcë civile të kontrolluar. Prej datës 3 dhjetor 2004 deri më 8 mars 2005 ka qenë Kryeministër i Kosovës dhe që nga data 9 shtator 2017, është zgjedhur përsëri si Kryeministër i Republikës së Kosovës dhe shërbeu deri më 3 shkurt 2020. . Më 10 nëntor 2012, Presidenti shqiptar Bujar Nishani, e dekoroi Haradinajn me Urdhrin e Skënderbeut. Haradinaj, një qytetar i Shqipërisë, është një patriot shqiptar dhe nacionalist dhe ka bërë thirrje për intensifikim të mëtejshëm të marrëdhënieve midis dy vendeve.
1971 – Vdes në moshën 27 vjeçare, Jim Morrison. Morrison, ishte një këngëtar, rroker amerikan, i cili shërbeu si vokalisti kryesor i grupit rock The Doors. Për shkak të personalitetit të tij, teksteve poetike, Morrison, vlerësohet nga kritikët e muzikës dhe fansat si një nga personazhet më ikonikë, dhe me ndikim, në historinë e rrokut.
1988 – Luftë-anija ushtarake e marinës së Shteteve të Bashkuara USS Vincennes qëllon, dhe rrëzon, avionin civil Iran Air 655 mbi Gjirin Persik, duke vrarë 290 pasagjerët në bord. Incidenti ndodhi gjatë fazave përfundimtare të Luftës Iran-Irak, e cila kishte vazhduar për gati tetë vjet. USS Vincennes, në këtë kohë po qëndronte në brigjet iraniane.
2013 – Presidenti i Egjiptit Mohamed Morsi është rrëzuar nga ushtria pas katër ditësh protestash në të gjithë vendin, duke kërkuar dorëheqjen e Morsi, të cilit ai nuk iu përgjigj. Presidenti i Gjykatës Supreme Kushtetuese të Egjiptit Adly Mansour është shpallur Kryetar i Shtetit në detyrë. Ky grusht shteti do të kushtonte 1200 të vdekur.
