1945 – Gjatë fundit të Luftës së Dytë Botërore, është nënshkruar Deklarata e Potsdam në Potsdam, të Gjermanisë. Deklarata e Potsdam-it, përcaktonte kushtet për dorëzimin japonez, ishte një deklaratë që kërkonte dorëzimin e të gjitha forcave të armatosura japoneze gjatë Luftës së Dytë Botërore. Ajo u hartua nga fuqitë aleate.
1947 – Presidenti amerikan Harry S. Truman nënshkruan Aktin e Sigurisë Kombëtare në ligjin e Shteteve të Bashkuara për krijimin e Agjencisë Qëndrore të Inteligjencës, Departamentit të Mbrojtjes së Shteteve të Bashkuara, Forcave Ajrore të Shteteve të Bashkuara, Shefave të Përbashkët të Shtabit dhe Këshillit Kombëtar të Sigurisë, së Shteteve të Bashkuara.
1952 – Mbreti Farouk i Egjiptit abdikon në favor të djalit të tij Fuad. Farouk I, ishte sundimtari i dhjetë i Egjiptit nga dinastia Muhamed Ali dhe mbreti i parafundit i Egjiptit dhe Sudanit, duke pasuar babanë e tij, Fuad I, në 1936. Dinastia e tyre do të rrëzohej nga një grusht shteti ushtarak i udhëhequr nga lideri i ardhshëm Gamal Nasser.
1958 – Gjatë programit Explorer, niset Explorer 4. Explorer 4 ishte një satelit amerikan i hedhur në treg më 26 korrik 1958. Ai u krijua nga grupi i doktor James van Allen. Explorer 4 ishte një satelit në formë cilindrike të instrumentizuar për të bërë matjet e para të hollësishme të grimcave të ngarkuara të bllokuar në rripat e rrezatimit tokësor.
1967 – Lind në Shirebrook, Jason Statham. Statham, është një aktor dhe producent i filmit anglez. Ai njihet për rolet e tij aktive dhe emocionuese dhe portretizon karaktere të ashpra, të papranueshme dhe makiavelliane. Gjatë gjithë karrierës së tij të filmit, Statham ka kryer rregullisht luftimet e tij skenike, me truke.
1977 – Asambleja Kombëtare e Quebec imponon përdorimin e frëngjishtes si gjuhë zyrtare të qeverisë provinciale. Quebec, është një nga trembëdhjetë provincat dhe territoret e Kanadasë. Ajo është gjithashtu, e vetmja që ka një popullsi kryesisht frëngjisht-folëse, me frëngjishten si gjuhën e vetme zyrtare krahinore.
2018 – Vdes në moshën 82 vjeçare, Adem Demaçi. Demaçi, ishte një shkrimtar, dhe publicist i famshëm, shqiptar i Kosovës. Demaçi u arrestua së pari më 1958, duke u dënuar me tre vite burgim. U ri burgos sërish më pas më 1964 me 10 vjet burgim dhe u rridënua më 1975 me 15 vite burgim. Më 21 prill 1990, me urdhërin e Kryesisë shtetërore të ish-Jugosllavisë, lirohet pesë muaj e gjysmë para se ta kryente dënimin e plotë. Janë proverbiale fjalët e tij pas daljes nga burgu: Që nga 21 prilli i këtij viti ndodhem në burgun më të madh në botë, që e njeh historia e njerëzimit – në burgun e Kosovës, ku më se dy milionë Shqiptarë nga regjimi hegjemonist-shovinist-terrorist janë zhveshur nga të gjitha liritë dhe të drejtat më elementare njerëzore e kombëtare. Si luftëtarit më të paepur për lirinë e mendimit, si mbrojtësit më këmbëngulës të lirive dhe të drejtave të njeriut, Parlamenti Evropian, më 4 dhjetor 1991, i dha Çmimin Saharov. Të theksojmë se këtë çmim deri më tash e kishin marrë: Saharovi, emrin e të cilit e mban, Dubçeku, Nelson Mandela, Marçenko, Aung Sun, disa nga të cilët (Mandela, Aung Su) u bënë më vonë edhe fitues të çmimit Nobel. Me këtë rast, në Parlamentin Evropian, Demaçi tha se duke më nderuar mua, keni nderuar popullin tim të shumëvuajtur, por gjithmonë liridashës, paqedashës e krenar. Në shkurt të vitit 1994, pesë anëtarë të Parlamentit të Norvegjisë e kandiduan shkrimtarin Adem Demaçi për çmimin Nobel per letërsi. Në shtator 1994 u kandidua sërish-tani për çmimin Nobel për Paqe, me ç’rast theksoi se ky është një nder për mua dhe një mirënjohje për popullin shqiptar. Ndërkaq, më 14 dhjetor 1995 Adem Demaçit iu dorëzua Çmimi për të Drejtat e Njeriut i Universitetit të Oslos.
