1917 – Sipas datës kalendarike të stilit Gregorian, shënohet fillimi i Revolucionit të Tetorit. Në këtë datë në 1917, bolshevikët e udhëhequr nga Vladimir Lenin, sulmojnë Pallatin e Dimrit në Saint Petersburg. Revolucioni u drejtua nga bolshevikët, të cilët përdorën ndikimin e tyre në Sovjetin e Petrograd-it, për të organizuar forcat e armatosura. Forcat e Gardës së Kuqe Bolshevike, filluan pushtimin e ndërtesave qeveritare më 7 Nëntor, 1917. Të nesërmen, Pallati i Dimrit (selia e qeverisë së Përkohshme e vendosur në Petrograd, asokohe kryeqytet të Rusisë) u dorëzua.
1944 – Agjenti i famshëm sovjetik Richard Sorge, varet së bashku me 34 pjestarët e grupit të tij të spiunazhit nga trupat japoneze. Sorge, ishte një gazetar gjerman dhe oficer i inteligjencës ushtarake Sovjetike, aktiv para dhe gjatë Luftës së Dytë Botërore. Ai punoi fshehurazi si një gazetar gjerman i akredituar në dy shtete, Gjermaninë naziste dhe Perandorinë e Japonisë. Një numër i personaliteteve të famshme e konsideruan atë një nga spiunët më të realizuar. Sorge në vitin 1941, dha informacione rreth planit të Adolf Hitlerit për të sulmuar Bashkimin Sovjetik.
1954 – Në Shtetet e Bashkuara të Amerikës, Dita e Armëpushimit bëhet Dita e Veteranëve. Kjo është një festë federale në SHBA, dhe përkujtohet, çdo vit në 11 nëntor, për nderimin e veteranëve ushtarakë, domethënë personat që kanë shërbyer në Forcat e Armatosura të Shteteve të Bashkuara. Kjo, koinçidon me festat e tjera përfshirë Ditën e Armëpushimit dhe Ditën e Kujtimit të cilat festohen në vendet e tjera që shënojnë përvjetorin e përfundimit të Luftës së Parë Botërore.
1967 – Lind në Paris, David Guetta. Guetta, është një DJ francez, programues muzikor, prodhues rekord dhe tekstshkrues. Ai ka shitur mbi nëntë milion albume dhe tridhjetë milion singëll në të gjithë botën. Në vitin 2011, Guetta u votua si DJ numër një në sondazhin e DJ Mag Top 100 DJ. Në vitin 2013, Billboard kurorëzoi “When Love Takes Over” si bashkëpunimi numër një i vallëzimit-pop i të gjitha kohërave.
1973 – Në SHBA, Kongresi i këtij vëndi, rrëzon veton e Presidentit Richard M. Nixon të Rezolutës së Fuqive të Luftës. Kjo veto, kufizonte fuqinë presidenciale për të zhvilluar luftë pa miratimin e kongresit. Me një të tretën e votave në secilën dhomë, Kongresi rrëzoi veton dhe dekretoi rezolutën e përbashkët në ligj më 7 nëntor 1973. Ky ligj, parashikon që Presidenti amerikan të dërgojë Forcat e Armatosura në veprim jashtë vendit vetëm me shpalljen e luftës nga ana e Kongresit.
1987 – Në Tunizi të Afrikës së Veriut, Presidenti Habib Bourguiba rrëzohet nga pushteti, dhe zëvendësohet nga Kryeministri Zine El Abidine Ben Ali. Fundi i sundimit të tij 30-vjeçar u shënua, nga një luftë e njëpasnjëshme dhe ngritja e klientelizmit islamizmitk, e cila përfundoi me heqjen e tij nga pushteti nga kryeministri i tij, Zine El Abidine Ben Ali, më 7 nëntor 1987. Ai më vonë u mbajt nën arrest shtëpie në një rezidencë në Monastir, ku qëndroi deri në vdekjen e tij më 6 prill 2000, dhe u varros në një mauzole që kishte ndërtuar më parë atje.
2011 – Vdes në Philadelphia në moshën 67 vjeçare, boksieri i famshëm amerikan Joe Frazier. Faizer, i mbiquajtur, “Smokin Joe”, ishte një boksier profesionist amerikan që garoi nga viti 1965 deri në vitin 1981. Ai mbretëroi si kampion i padiskutueshëm në peshën e rëndë nga 1970 deri në 1973, dhe si amator fitoi një medalje të artë në Lojërat Olimpike Verore të 1964. Frazier ishte i njohur për forcën, qëndrueshmërinë, fuqinë punuese dhe stilin e pamëshirshëm të luftimit dhe presionit.
