1914 – Perandoria gjermane i shpall luftë ndaj Perandorisë Ruse në hapjen e Luftës së Parë Botërore. Ndërsa ushtria zvicerane mobilizohet po për shkak të kësaj lufte. Lufta e Parë Botërore, ishte një luftë globale që zgjati nga 28 korriku 1914 deri më 11 nëntor 1918. Në këtë konflikt mbetën të vdekur 10 milionë ushtarë dhe mbi 12 milionë civilë.
1936 – Hapen zyrtarisht në Berlin, Lojrat e XI Olimpike verore. Këto lojra, do të mbahen mënd për dy aspekte kryesore të saj. Së pari atleti amerikan me ngjyrë Jesse Owens do të fitonte katër medalje ari çka do të irritonte Hitlerin që po e ndiqte live eventin. Së dyti atletët me origjinë hebreje nuk u lejuan që të merrnin pjesë.
1942 – Lind në La Spezia, Giancarlo Giannini. Giannini, është një aktor italian, aktor zëri, regjisor, dhe skenarist. Ai fitoi një çmim në Festivalin e Filmit në Kanë për Aktorin më të Mirë për interpretimin e tij në Love and Anarchy, dhe mori një çmim Akademie për nominimin e Aktorit më të Mirë për performancën e tij në Seven Beauties.
1957 – Shtetet e Bashkuara dhe Kanada formojnë Komandën e Mbrojtjes së Hapësirës Ajrore të Amerikës së Veriut (NORAD). Selia qëndrore për NORAD dhe Qëndra Veriore e Komandës NORAD për Shtetet e Bashkuara të Amerikës (USNORTHCOM) janë vendosur në bazën e forcave ajrore Peterson në Qarkun El Paso, pranë Colorado Springs, në Colorado.
1966 – Spastrimet e intelektualëve dhe zyrtarëve bëhen politika zyrtare e Kinës në fillim të Revolucionit Kulturor. E nisur nga Mao Zedong, Kryetar i Partisë Komuniste të Kinës, qëllimi i tij i deklaruar ishte të ruajë komunizmin kinez duke pastruar mbetjet e elemente kapitaliste dhe tradicionale nga shoqëria kineze, dhe të rivendosin mendimin maoist.
1973 – Vdes në moshën 80 vjeçare, Walter Ulbricht. Ulbricht, ishte një politikan komunist gjerman. Ulbricht luajti një rol kryesor në krijimin e Partisë Komuniste të Gjermanisë dhe më vonë (pasi kaloi vitet e sundimit nazist në mërgim në Francë dhe Bashkimin Sovjetik) në zhvillimin e hershëm dhe krijimin e RDGJ në Gjermaninë Lindore.
2008 – Hekurudha ndërqytetëse Pekin-Tianjin fillon funksionimin si sistemi hekurudhor më i shpejtë i udhëtarëve në botë. Kur linja u hap, ajo vendosi rekordin për shërbimin më të shpejtë konvencional të trenit në botë me shpejtësinë më të lartë, dhe uli kohën e udhëtimit midis dy qyteteve më të mëdha në veri të Kinës nga 70 në 30 minuta.
