1911 – Veprat e Gabriele D’Annunzio janë vendosur në Indeksin e Librave të Ndaluar nga Vatikani. Index Librorum Prohibitorum ishte një listë e botimeve që konsideroheshin heretike ose në kundërshtim me moralin nga Vatikani, dhe Katolikëve u ishte ndaluar t’i lexonin ato pa leje. D’Annunzio ishte i lidhur me lëvizjen dekadente në veprat e tij, të cilat ndërlidheshin ngushtë me Simbolizmin Francez dhe Estetizmin Britanik
1945 – Gjatë fundit të Luftës së Dytë Botërore, instrumenti i fundit gjerman i dorëzimit nënshkruhet në selinë sovjetike në Karlshorst të Berlinit. Në pjesën më të madhe të Evropës, 8 maji festohet si Dita e Fitores në Evropë. Ndërsa 9 maji festohet si Dita e Fitores mbi nazi-fashizmin në Rusi, ish republikat sovjetike, vëndet e Europës Qëndrore dhe Lindore, si dhe në Izrael.
1950 – Robert Schuman paraqet propozimin e tij për krijimin e një Evrope të organizuar, e cila sipas tij ishte e domosdoshme për mirëmbajtjen e marrëdhënieve paqësore. Ky propozim, i njohur si “Deklarata Schuman”, konsiderohet, si fillimi i krijimit të asaj që është tani Bashkimi Evropian. Ai propozoi vendosjen e prodhimit francez dhe gjerman të Perëndimit të qymyrit dhe çelikut nën një Autoritet të Lartë të përbashkët
1978 – Ekzekutohet në moshën 61 vjeçare, nga Brigadat e Kuqe, Aldo Moro. Moro, ishte një burrë shteti italian dhe një anëtar i shquar i partisë Kristian Demokrae. Ai shërbeu si Kryeministri i 38-të i Italisë, nga 1963 deri në 1968, dhe më pas nga 1974 deri 1976. Moro u rrëmbye, në 16 mars 1978 nga Brigadat e Kuqe në atë që konsiderohet si “Masakra e rrugës Fani”, dhe u vra pas 55 ditësh. Kufoma e tij u gjet në bagazhin e një makine.
1987 – Avioni civil i linjës ajrore, LOT 5055 Tadeusz Kosciuszko u rrëzua pas ngritjes në Varshavë, Poloni, duke vrarë të 183 pasagjerët në bord. Përplasja, ndodhi në zonën e rezervatit natyror të pyllit të Kabaty në periferi të Varshavës, në Poloni. Shkaqet e kësaj tragjedie ajrore, u zbuluan pas disa kohësh nga autoritete polake. Ato kishin të bënin, me një difekt të rëndë në motorrët anësorë të avionit.
1991 – Lind në Pejë, Majlinda Kelmendi. Kelmendi, është një shqiptare e Kosovës dhe kampione e dyfishtë botërore në sportin e Judo, me dy tituj evropianë. Ajo garon në kategorinë e peshës 52 kg. Në vitin 2014, Majlinda kryesoi listën e renditjes botërore të prestigjit të grave të IJF. Më 7 gusht 2016, ajo u bë atletja e parë kosovare që fitoi një medalje në Lojërat Olimpike në Rio de Janeiro.
2002 – Rrethimi i 38 ditëve në Kishën e Lindjes në Betlehem përfundon kur palestinezët brenda bien dakord të kenë 13 terroristë të dyshuar mes tyre të deportuar në disa vende të ndryshme. Rrethimi i Kishës së Lindjes në Betlehem ishte një rrethim i militantëve palestinez të dyshuar nga Forcat e Mbrojtjes të Izraelit në Betlehem në Bregun Perëndimor që zgjati nga 2 prilli deri më 10 maj 2002.
