1911 – Sun Yat Sen bëhet Presidenti i përkohshëm i Republikës së Kinës. Ai zyrtarisht merr detyrën në 1 janar 1912. Sun Yat Sen konsiderohet të jetë një nga udhëheqësit më të mëdhenj të Kinës moderne, por jeta e tij politike ishte një luftë e vazhdueshme dhe mërgim i shpeshtë. Trashëgimia kryesore e tij, është filozofia e tij politike e njohur si Tre Parimet e Popullit.
1938 – Lind në New York, Jon Voight. Voight, është një aktor amerikan. Ai është fituesi i një çmimi Academie Award, pasi ishte nominuar për katër të tillë. Voight, gjithashtu ka fituar katër çmime Golden Globe dhe deri më tani është nominuar për njëmbëdhjetë të tjerë. Ai është babai i aktores së famshme, Angelina Jolie dhe aktorit James Haven.
1940 – Gjatë Luftës së Dytë Botërore, aviacioni nazist Luftarak bombardoi Londrën, Angli, duke vrarë mbi 200 civilë. Kjo fushatë bombardimesh, njihet nga historiografia britanike si “Zjarri i dytë i madh i Londrës”. Natën e 29-30 Dhjetorit 1940, afërsisht 100 mijë bomba ranë mbi qytet, të lëshuara nga 140 bombardues të rëndë gjermanë. Në fund, fushata ajrore e Britanisë së Madhe, do të fitohej nga aviacioni anglez RAF.
1986 – Vdes në moshën 54 vjeçare, në Paris, Andrey Tarkovsky. Tarkovsky, ishte një regjisor, shkrimtar dhe teoricien i filmit rus. Ai konsiderohet gjerësisht një nga regjisorët më të mëdhenj në historinë e kinemasë, dhe një nga kineastët më me ndikim në Rusi. Disa nga filmat e tij janë, Ivan Childhood, Andrei Rublev, Solaris, Mirror, dhe Stalker.
1996 – Shteti i Guatemalës dhe drejtuesit e Unitetit Kombëtar Revolucionar, nënshkruajnë një marrëveshje paqeje që i jep fund një lufte civile 36-vjeçare. E nënshkruar më 29 dhjetor 1996, ky armëpushim i fundit, zyrtarizoi zbatimin e pikave të paqes të nënshkruara në bazë të Marrëveshjes Kornizë në 10 vitet e mëparshme të përpjekjeve për bisedime.
1998 – Udhëheqësit e Khmer Rouge kërkuan falje për gjenocidin e viteve 70-të në Kamboxhia, që mori jeten mbi një milion njerëzve. Gjatë sundimit të diktatorit komunist Pol Pot, në vitet 1975-1979, i cili ishte gjithashtu edhe lideri i Khmer Rouge, Kamboxhia, me miliona vetë, vuajtën një persekutimi të egër. Pas viteve 90, liderët e saj u gjykuan dhe u dënuan, për krime.
2006 – Mbretëria e Bashkuar zgjidh kredinë e saj “anglo-amerikane”, të marrë borxh, pas Luftës së Dytë Botërore. Marrëveshja e Kredisë Anglo-Amerikane, ishte një hua pas Luftës së Dytë Botërore, e bërë nga Mbretërisë e Bashkuar dhe, SHBA-ja, më 15 korrik 1946, duke i dhënë mundësi ekonomisë së dobësuar angleze, që të rimëkëmbej shpejt.
