1898 – Marie dhe Pierre Curie lançojnë izolimin e radiumit. Ata nxorën përbërësin e radiumit nga uraniniti dhe e publikuan zbulimin në Akademinë Franceze të Shkencave pesë ditë më vonë. Radiumi ishte izoluar në gjendjen e tij metalike nga Marie Curie dhe André-Louis Debierne përmes elektrolizës së klorurit të radiumit në 1911.
1948 – Kardinali Jozsef Mindszenty arrestohet në Hungari dhe akuzohet për tradhti dhe komplot. Mindszenty, për pesë dekada personifikoi kundërshtimin e pa kompromis ndaj fashizmit dhe komunizmit në Hungari. Pas tetë vitesh burg, ai u la i lirë në Revolucionin Hungarez të vitit 1956 dhe iu dha azil politik nga ambasada e Shteteve të Bashkuara në Budapest.
1963 – Këngët “I Want to Hold Your Hand” and “I Saw Her Standing There” të grupit, Beatles u lançuan në SHBA, duke shënuar fillimin e Beatlemania në një nivel ndërkombëtar. Sipas listës së grupit Rolling Stones, këto dy këngë, radhiten në 500 këngët më të famshme në të gjithë historinë e muzikës botërore. Njëkohësisht, numri i fansave të tyre u rrit ndjeshëm në botë.
1972 – Vdes në Kansas në moshën 88 vjeçare, Harry S. Truman. Truman, ishte presidenti i 33-të i Shteteve të Bashkuara nga viti 1945 deri në vitin 1953, duke pasuar vdekjen e Franklin D. Roosevelt pasi shërbeu si nënkryetar. Ai zbatoi Planin Marshall për të rindërtuar ekonominë e Evropës Perëndimore dhe themeloi Doktrinën Truman dhe NATO-s.
1979 – Ndërron jetë Zef Mala ishte publicist, themelues dhe kryetar i Grupit Komunist të Shkodrës dhe i Partisë Komuniste Shqiptare. Më 1944 Enver Hoxha, urdhëroi pushkatimin e tij, por Mala arrin t’i shpëtojë vdekjes. I cilësuar si antimarksist konfuz nga Enveri. Në dhjetor 1944 u dërgua për mjekim të syrit në Bari të Italisë. Në prill 1945 erdhi në Shqipëri. U emërua shef seksioni në Bibliotekën Kombëtare dhe më vonë drejtor i saj. Më 1946 arrestohet, dënohet me 10 vjet burg. Motivi i dënimit: “Për qëndrimet politike kundër bashkëpunimit me partinë komuniste jugosllave”. Kreu 2 vite dënim dhe u lirua me 19 janar 1949, përmes amnistisë nga ndryshimi i qëndrimit dhe bashkëpunimit me Jugosllavinë, si viktimë e Koçi Xoxes. Më 1977 u internua familjarisht, për 5 vjet në Labovën e Zhapës, Gjirokastër. Më 15 korrik 1978, nga Labova e Zhapës shkruajti një Promemorie emblematike drejtuar kryeministrit Shehu, pasi ai vite me parë kishte ndërprerë çdo komunikim me Enver Hoxhën. Në zgjedhjet e vitit 1978 nuk pranoi të votojë. E arrestuan dhe e dërguan në Tiranë, ku u ri dënua me 10 vjet burg. E kaloi dënimin në burgun e Ballshit, ku u verbua krejtësisht, ecte me shkop dhe bashkëvuajtësit e ndihmonin për çdo nevojë” – Më 26 dhjetor 1979, i sëmurë rëndë, i verbuar, ndërroi jetë në spitalin burg të Tiranës.
1989 – Lind në St James, Yohan Blake. Blake, është një sprinter xhamajkian i garave 100 dhe 200 metra. Ai fitoi medaljen e arit në 100 m në Kampionatin Botëror të 2011 si kampioni më i ri në botë. Gjithashtu Blake, fitoi dhe një medalje argjendi në Lojërat Olimpike 2012 në Londër në garat 100 m dhe 200 m për skuadrën xhamajkane.
1991 – Këshilli i Lartë i Sovietit Suprem, mblidhet dhe shpërbën zyrtarisht Bashkimin Sovjetik, duke i dhënë fund Luftës së Ftohtë. Shpërndarja e Bashkimit Sovjetik ishte procesi i shpërbërjes së brendshme të BRSS-së, i cili filloi në gjysmën e dytë të viteve 1980 me trazira në rritje në republikat kombëtare dhe përfundoi më 26 dhjetor 1991.
1994 – Katër terroristë islamikë të armatosur, marrin kontrollin e Air France Flight 8969. Terroristët vranë tre pasagjerë dhe qëllimi i tyre ishte të hedhin në erë aeroplanin mbi Kullën Eifel në Paris.Kur aeroplani zbret në Marsejë, një ekip francez i Forcave Speciale të Xhandarmërisë, çliron avionin dhe vret rrëmbyesit.
2009 – Kina hap rrugën më të gjatë hekurudhore në botë me shpejtësi të lartë, e cila lidh Pekinin dhe Guangzhou. Me një gjatësi totale prej 968 km dhe aftësi për të akomoduar trenat që udhëtojnë me 350 km në orë, Wuguang PDL vendosi një rekord botëror për shërbimin më të shpejtë të trenave tregtare me shpejtësi mesatare udhëtimi prej 312 km në orë.
