1910 – Vdes në moshën 74 vjeçare, Mark Twain. Twain, ishte një shkrimtar, humorist, botues dhe pedagog amerikan. Ai u vlerësua si “humoristi më i madh që Shtetet e Bashkuara kanë nxjerrë ndonjëherë”. William Faulkner e quajti atë “babain e letërsisë amerikane”. Romanet e tij përfshijnë Aventurat e Tom Sawyer dhe vazhdimin e tij, Aventurat e Huckleberry Fin, ky e fundit shpesh quhej “Romani i Madh Amerikan”.
1926 – Lind në Londër, Elisabeta e II-të. Elisabeta e II-të, është Mbretëresha e Mbretërisë së Bashkuar dhe mbretërive të tjera të Commonwealthit. Më 1947, ajo u martua me Philip, Dukën e Edinburgh, një ish-princ i Greqisë dhe Danimarkës, me të cilin ka katër fëmijë. Charles, Princin e Wales, Princeshën Anne, Princin Andrew, që njëkohësisht është dhe Duka i Yorkut, dhe Princin Edward, të Wessex.
1948 – Miratohet, Rezoluta 47 e Këshillit të Sigurimit të Kombeve të Bashkuara në lidhje me konfliktin në Kashmir. Pasi dëgjoi argumente nga India dhe Pakistani, Këshilli rriti madhësinë e Komisionit të krijuar me Rezolutën 39 të Këshillit të Sigurimit të Kombeve të Bashkuara në pesë anëtarë (me përfaqësues të Argjentinës, Belgjikës, Kolumbisë, Çekosllovakisë dhe Shteteve të Bashkuara të Amerikës).
1960 – Inagurohet zyrtarisht kryeqyteti i Brazilit, Brasilia. Në orën 09.30, Tri pushtetet e Republikës transferohen njëkohësisht nga kryeqyteti i vjetër, Rio de Janeiro. Brasilia ishte planifikuar dhe zhvilluar nga arkitektët Lucio Costa, Oscar Niemeyer dhe Joaquim Cardozo në 1956 në një skemë për të transferuar kryeqytetin nga Rio de Janeiro në një lokacion qendror. Ndërsa urbanisti i peizazhit, ishte Roberto Burle Marx.
1989 – Në Pekin, rreth 100,000 studentë mblidhen në Sheshin Tienanmen për të përkujtuar liderin e reformës kineze Hu Yaobang. Ky manifestim gjigant ishte, dhe nisja zyrtare e demonstratave të Sheshit Tienanmen. Këto demonstrata masive studentore, dhe më pas të kthyera në mbarë-popullore, zgjatën afro dy muaj dhe u shtypën në mënyrë të përgjakshme nga qeveria komuniste kineze.
1993 – Gjykata Supreme në La Paz, Bolivi, dënon ish diktatorin Luis García Meza me 30 vjet burg pa kusht për vrasje, vjedhje, mashtrim dhe shkelje të kushtetutës. Ai ishte një oficer ushtarak në karrierë i cili u ngrit në gradën e gjeneralit gjatë juntës ushtarake të gjeneralit Hugo Banzer (1971-78). Midis 1980 dhe 1981 García Meza ishte diktatori i Bolivisë. Dënimi i tij, ishte i pari i këtij lloji në Amerikën e Jugut.
2010 – Pakti i diskutueshëm Kharkiv (Baza Detare Ruse e Ukrainës për Traktatin e Gazit) është nënshkruar në Kharkiv, nga Presidenti i Ukrainës Viktor Janukoviç dhe ai rus Dmitry Medvedev. Kjo marrëveshje ishte një nga shumë të tilla të nënshkruara midis dy vendeve. Ajo u përfundua në mënyrë të njëanshme nga Rusia në 31 Mars 2014, pas pushtimit të gadishullit të Krimesë nga trupat ushtarake ruse.
