1912 – Carl Laemmle themelon, Universal Pictures. Universal Pictures, është një studio amerikane e filmit në pronësi të Comcast përmes NBCUniversal Film and Entertainment Division. Ajo konsiderohet të jetë një nga studio më të vjetra kinematografike të botës. Studiot e saj janë në Universal City, dhe zyrat e saj të janë të vendosura në New York.
1924 – Lind në Ann Arbor, Keneth Waltz. Waltz, ishte një shkencëtar politik amerikan, dhe një nga studiuesit më të shquar në fushën e marrëdhënieve ndërkombëtare. Waltz ishte një nga themeluesit fillestarë të neorealizmit, ose realizmit strukturor, në teorinë e marrëdhënieve ndërkombëtare dhe më vonë u lidh me shkollën e neorealizmit mbrojtës.
1927 – Lindi në Shkodër Çesk Zadeja, Mësimet e para i mori në vendin e lindjes, në shkollën françeskane, ku krahas mësimit të përgjithshëm, merr dhe njohuritë e para të muzikës. Ka qenë anëtar i korit të Kishës Françeskane që drejtohej nga kompozitori i shquar patër Martin Gjoka dhe më vonë nga Filip Mazreku e Prenk Jakova. Që në vegjëli, në qytetin e lindjes u angazhua në grupet amatore. Shfaqi që herët talentin e tij dhe si nxënës 14-vjeçar studion në Accademia di Santa Cecilia në Romë, Itali, me kompozitorin Umberto Semproni. Në vitet 1966-1972 është kryetar i degës së muzikës në Institutin e Lartë të Arteve (Akademia e Arteve) dhe në vitin 1972 është kompozitor në profesion të lirë. Sërish udhëheqës artistik në Teatrin e Operës dhe Baletit në vitet 1973-1979, kurse në vitin 1979 del në profesion të lirë, duke krijuar si i tillë deri në vitin 1990, për t’u kthyer në vitet 1993-1994 pedagog në Akademinë e Arteve, ku jep kompozicion dhe muzikologji. Profesor Zadeja është kompozitor që përfaqëson në universin tonë kombëtar figurën më të madhe krijuese, emblemë e vërtetë kombëtare, i cili kalon në mit, sepse potenciali i tij krijues e bën këtë personalitet të shquar dhe doyen të muzikës bashkëkohore shqiptare, i cili kohërisht i takon brezit të parë të kompozitorëve tanë të shkolluar, duke i vënë bazat muzikës klasike, që merr përmasa të gjera si nga aspekti i trajtimit të materies muzikore e formës, ashtu edhe nga aspekti i melodisë, ritmit dhe stilit. Si pedagog ka dhënë vite të tëra kontribut të jashtëzakonshëm dhe shumë të çmuar.
1953 – Një tornado F5 godet Beecher, Michigan, duke vrarë 116 persona, duke plagosur 844, si dhe duke shkatërruar 340 shtëpi. Tornado i Flint-Beecher i vitit 1953 ndodhi ditën e hënë, dhe renditet si më vdekjeprurja në historinë e Miçiganit dhe e 10-ta më vdekjeprurësit në historinë e Shteteve të Bashkuara të Amerikës.
1972 – Gjatë Luftës së Vietnamit, 10 vjeçari Phan Thi Kim Phuc është djegur nga napalmi, një ngjarje e kapur nga fotografi i Associated Press Nick Ut. Ndërsa disa çaste më vonë, një vajzë e re shihet duke vrapuar e tmerruar në një rrugë, në atë që do të bëhej një ikonë, fituese e çmimit Pulitzer për fotografinë më të mirë të vitit.
2009 – Vdes në moshën 73 vjeçare, Omar Bongo. Bongo, ishte President i Gabonit për 42 vjet, nga viti 1967 deri në vdekjen e tij. Ai u gradua në poste kyçe si një zyrtar i ri nën Presidentin e parë të Gabonit, Léon M’ba në vitet 1960, para se të zgjidhej Zëvendës President në të drejtën e tij në vitin 1966. Bongo njihet si politikani më jetëgjatë në detyrë.
2009 – Kombet e Bashkuara kanë vendosur të jetë Dita Ndërkombëtare e Oqeaneve. Projekti i Oqeanit, në bashkëpunim me Rrjetin Ndërkombëtar të Oqeaneve, janë duke punuar në ngritjen e vetëdijes njerëzore për rolin e oqeanit në jetën tonë, si dhe mënyrat të cilat njeriu mund të ndihmojë. Dita Ndërkombëtare e Oqeaneve ofron mundësi që të kyçemi drejtpërdrejtë në mbrojtjen e të ardhmes sonë, përmes iniciativave qytetare – pastrimi i plazheve, programet edukuese, gara, festivale, si dhe ngjarjet e aktivitetet e ndryshme, ndihmojnë në ngritjen e vetëdijes se sa i rëndësishëm është oqeani për jetën tonë.
