1899 – Gjatë Luftës Spanjollo-Amerikane nënshkruhet Traktati i Parisit, një traktat paqeje midis Shteteve të Bashkuara dhe Spanjës. Ky traktat u ratifikua nga Senati i Shteteve të Bashkuara të Amerikës. Në këtë traktat, Spanja hoqi dorë nga të gjitha pretendimet e sovranitetit mbi Kubën, dhe i dhuroi Puerto Rikon, Guamin dhe Filipinet, SHBA-së.Ky konflikt, do të ishte i vetmi, i zhvilluar midis këtyre dy vendeve.
1911 – Lind në Tampico, Ronald Reagan. Reagan, ishte një politikan amerikan që shërbeu si presidenti i 40-të i Shteteve të Bashkuara nga 1981 deri në 1989 dhe u bë një zë shumë me ndikim i konservatorizmit modern. Para presidencës së tij, ai ishte një aktor i Hollivudit dhe drejtues sindikate përpara se të shërbente si guvernatori i 33-të i Kalifornisë nga 1967 deri në 1975.Ai ndikoi shumë në shembjen e regjimeve komuniste.
1918 – Vdes në Vjenë, në moshën 55 vjeçare, Gustav Klimt. Klimt, eshte një piktor simbolik austriak dhe një nga anëtarët më të spikatur të lëvizjes “Vetë sekretimi” i Vjenës. Klimt shënohet për pikturat, murale, skicat dhe objektet të tjera të tij. Subjekti kryesor i Klimt ishte trupi i femrës, dhe veprat e tij shënohen nga një erotizëm i sinqertë. Ai njihet si një ndër piktorët më të njohur në mbarë botën.
1952 – Vdiq Mbreti George VI dhe vajza e tij, Elizabeth II, u bë Mbretëreshë e Britanisë së Madhe. Ajo ishte në Kenia në momentin e marrjes së lajmit. Mbretëresha Elizabeta II mbretëroi pas vdekjes së babait të saj, Mbretit Gjergj VI, Princesha Elizabeta u bë Mbretëresha e Mbretërisë së Bashkuar dhe Monarke e Komonweltit në moshën 25 vjeç. Ajo mbretëroi për 70 vjet, duke qënë monarku me mbretërimin më të gjatë në historinë britanike.
1958 – 8 futbollistë të Manchester United, dhe 15 pasagjerë të tjerë janë vrarë në tragjedinë ajrore të Mynihut. Fatkeqësia ajrore e Mynihut ndodhi, kur British European Airways Flight 609 u rrëzua në përpjekjen e tretë për të marrë fluturimin nga një pistë e mbuluar me lagështirë në Aeroportin e Mynihut, në Gjermaninë Perëndimore. Në avion ishte dhe skuadra e futbollit Manchester United, e mbiquajtur “Busby Babes”.
1959 – Në Cape Canaveral, të Floridas, është arritur prova e parë e suksesshme e qitjes së një rakete balistike ndërkontinentale Titan. Titan ishte një familje me raketa të shpenzueshme të Shteteve të Bashkuara të përdorura midis viteve 1959 dhe 2005. Titan I dhe Titan II ishin pjesë e flotës raketore balistike ndërkontinentale të Forcave Ajrore të SHBA deri në vitin 1987.
1989 – Bisedimet e Tryezës së rrumbullakët fillojnë në Poloni, kjo duke shënuar fillimin e përmbysjes së komunizmit në Evropën Lindore. Bisedimet në tryezën e rrumbullakët polake u zhvilluan në Varshavë, Poloni nga 6 shkurti deri më 5 prill 1989. Qeveria inicioi diskutimin me sindikatën e ndaluar Solidarność dhe grupet e tjera të opozitës në një përpjekje për të shlyer trazirat sociale në rritje.
2000 – Gjatë Luftës së Dytë ruso-çeçene, forcat ushtarake ruse, pushtojnë kryeqytetin e Çeçenisë, Grozny. Ato, detyruan me forcë, mërgimin e qeverisë së kësaj krahine separatist drejt Ishkerisë. Gjatë betejës për pushtimin e Groznyt, mbetën të vdekur 500 ushtarë rusë, dhe mbi 1000 rebelë çeçenë. Kjo do të ishte një nga betejat më të mëdha të këtij konflikti. Por luftimet do të vazhdonin edhe muajt në vijim.
2007 – Ndërron jetë Kadri Roshi është konsideruar si legjenda e skenës dhe ekranit shqiptar. Ai përfundoi studimet e larta në Pragë në vitin 1951 dhe e filloi karrierën e tij si aktor në Teatrin Popullor në moshën 21-vjeçare duke qenë një ndër krijuesit e këtij teatri. Që nga ajo kohë dhe deri sot ai numëron rreth 180 role në skenë dhe kinematografi, të cilat përbëjnë një jetë të madhe artistike, ku ndërthuren vështirësitë e një jete prej jetimi, çiraku, portieri kinemaje dhe deri tek aktori origjinal me portretin e njeriut të fisëm. Ai ka qenë një aktor brilant dhe me një talent të lindur. Në vitin 1995 është nderuar me Çmimin e Karrierës në Festivalin e Filmit Artistik, në vitin 1997 me Çmimin e Madh të Nderit. Ai është “Nderi i Kombit” nga viti 1999. Emri i Kadri Roshit, ku spikatë si një kolos për filmin dhe teatrin shqiptar, ai la figura që nuk do të harrohen kurrë.
2014 – Vdiq Vaçe Zela një këngëtare ikonë e skenës shqiptare. Ajo e filloi karrierën në moshë të re dhe në vitin 1962 ishte e para që fitoi Festivalin e Këngës. Repertori i saj është shumë i pasur; numërohen me dhjetëra këngë popullore, të lehta, kantata, balada, etj. Ajo ka një kontribut të rëndësishëm edhe në muzikën e filmit, ku ka interpretuar shumë këngë si pjesë e muzikës së filmave. Fituese 12 herë e festivalit, Vaçja fitoi famë gjatë epokës komuniste dhe iu dha titulli Artist i Merituar në vitin 1973 dhe Artist i Popullit në vitin 1977. Vaçe Zela është larguar përfundimisht prej skenës në vitin 1992. Ajo është e vetmja femër shqiptare e nderuar në të gjallë me Urdhrin “Nderi i Kombit” më 24 dhjetor 2002.
