1870 – Lindi në Shkodër, Pashk Bardhi, studimet e mesme e më vonë të teologjisë i kreu në Bosnjë së bashku me mikun e tij Gjergj Fishtën. Ende nxënës, duke vërejtur lëvizjen kulturale e kombëtare të kroatëve, sidomos duke lexuar vjershat e 3 poetëve të mëdhenj të tyre, u përpoq të krijonte në Shqipëri një rrymë shpëtimi nga zgjedhja e huaj, e kështu nisi lidhjen me atdhetarët e tjerë që po punonin për mëvetësinë e Shqipnisë. Si publicist do të përdorte emrin e vet ose pseudonimet Vorf Dukagjini apo me anagramin Oshkop Idhrabi, Bibë Gjeta, Ajaks, etj. Bashkëpunëtor i rregullt i “Hyllit e Dritës”, dhe veprimtari më i gjallë i të përkohshmes “Zani i Shna Ndout”, për 29 vjet me radhë. Me marrjen e pushtetit prej partizanëve, burgoset.
1926 – Fillon greva e përgjithshme e Mbretërisë së Bashkuar. Kjo grevë zgjati 10 ditë. Ajo u thirr nga Këshilli i Përgjithshëm i Kongresit të Unionit të Tregtisë (TUC) në një përpjekje të pasuksesshme për të detyruar qeverinë britanike të veprojë për të parandaluar uljen e pagave dhe kushtet e përkeqësimit për 1.2 milion minatorët e qymyrit. Greva në fund, pati sukses sepse Londra u detyrua që të shpërblejë punëtorët.
1949 – E gjithë skuadra e futbollit të Torinos, (e cila ishte njëkohësisht edhe kombëtarja e Italisë së viteve 40) vritet në një aksident ajror. Avioni Fiat G.212 i Avio Linee Italiane, që mbante gjithë ekipin e futbollit Torino, u rrëzua në murin mbajtës në pjesën e pasme të Bazilika e Supergës, e cila qëndron në një kodër në periferi të Torinos. Të tridhjetë e një pjesëtarët në fluturim, vdiqën.
1959 – Mbahet zyrtarisht ceremonia e parë e çmimeve Grammy. Ata njohën arritjet muzikore nga interpretuesit për vitin 1958. Dy ceremoni të veçanta u mbajtën njëkohësisht në të njëjtën ditë. I pari në hotelin Beverly Hilton në Beverly Hills, të California, dhe i dyti në Hotel Park Sheraton në New York City. Ella Fitzgerald, Count Basie, Domenico Modugno, Ross Bagdasarian dhe Henry Mancini, secili fitoi nga 2 çmime.
1972 – The Don’t Make A Wave Committee, një organizatë e re mjedisore e themeluar në Kanada në 1971, zyrtarisht ndryshon emrin e saj në “Greenpeace Foundation”. Greenpeace është një organizatë joqeveritare, mjedisore, me zyra në mbi 55 vende dhe një organ koordinues ndërkombëtar në Amsterdam, të Hollandës. Greenpeace shprehet se qëllimi i saj është të “sigurojë aftësinë e Tokës për të ushqyer jetën në të gjithë diversitetin e saj”.
1980 – Vdes në moshën 87 vjeçare, Josip Broz Tito. Tito, ishte një revolucionar komunist jugosllav , duke shërbyer në role të ndryshme nga 1943 deri në vdekjen e tij në 1980. Ai ishte një figurë e njohur publike si në Jugosllavi ashtu edhe jashtë saj. Tito u përpoq që ta mbante Jugosllavinë, jashtë dy kampeve të mëdha politike të kohës, duke krijuar lëvizjen e “vendeve të pa-angazhuara”. Ai konsiderohet si një ndër komunistët më liberal të kohës.
1987 – Lind në Arenys de Mars, Cesc Fabregas. Fabregas, është një futbollist profesionist spanjoll që luan si një mesfushor qendror për klubin Ligue 1 Monako dhe ekipin kombëtar të Spanjës. Ai ishte një figurë kryesore në fitoret e Kampionatit Evropian të Spanjës në 2008 dhe 2012 dhe triumfin e tyre të Kupës së Botës 2010. Disa nga ekipet që ai ka debutuar janë, Arsenal, Barcelona, Chelsea, dhe Monaco.
1990 – Letonia shpall deklaratën e ripërtëritjes së pavarësisë së saj pas okupimit nga Bashkimi Sovjetik. Deklarata thoshte se, megjithëse Letonia kishte de-fakto humbur pavarësinë e saj në 1940, kur ajo u aneksua nga Bashkimi Sovjetik, ajo de facto, kishte mbetur një vend sovran, pasi aneksimi kishte qenë antikushtetues dhe kundër vullnetit të popullit të Letonisë.
