1886 – Tubimet mbahen në të gjithë Shtetet e Bashkuara duke kërkuar ditën e tetë-orarit të punës, duke kulmuar me aferën Haymarket në Chicago, në përkujtim të së cilës 1 maji festohet si Dita Ndërkombëtare e Punëtorëve në shumë vende. Çështja Haymarket u cilësua shpërthimi i një bombe gjatë një tubimi për të drejtat e punëtoreve në sheshin me të njëjtin emër në Chicago. Në këtë akt terrorist humbën jetën 12 vetë.
1927 – Lindi Filip Gjergji I cili njihet si themeluesi i koreografisë shqiptare në Shkodër. Pinjoll i familjes së njohur Gjergji të ardhur nga Mirditë në lagjen Rus të qytetit të Shkodrës para qindra vitesh është i afërm dhe i përfaqësuesit kualitet të jareve shkodrane Ndrek Gjergji. Bashkëkohës dhe koleg i personaliteteve të artit si Fadil Kraja dhe Prenk Jakova, Filipi është dhe autor i disa botimeve si “Barcoleta shkodrane”, “Për Shkodrën dhe njerëzit e saj” si dhe pritet të botojë Historikun e Serenatës së parë të mbërritur nga Spanja në qytetin e humorit, argëtimit dhe kulturës.
1931 – Përfundon ndërtimi i Empire State Building në New York City. Empire State Building, është një gradaçel i stilit Art Deco me 102 kate në Midtown të Manhattanit, në New York City. Kjo ndërtesë u dizenjua dhe u projektua nga Shreve, Lamb dhe Harmon. Ajo u ndërtua nga viti 1930 deri më 1931. Emri i tij rrjedh nga “Empire State”, pseudonimi i shtetit federal të New Yorkut.
1947 – Ndodh, Masakra e Portella della Ginestras kundër festimeve të Ditës së Majit në Siçili. Ajo u organizua nga banditi dhe udhëheqësi separatist Salvatore Giuliano ku, u vranë 11 persona, dhe u plagosën 33 të tjerë. Masakra e Portella della Ginestras ishte një nga aktet më të dhunshme në historinë e politikës moderne italiane, arsyet e së cilës kanë mbetur ende mister.
1956 – Një mjek në Japoni raporton një “epidemi të një sëmundje të panjohur të sistemit nervor qendror”, duke shënuar zbulimin zyrtar të sëmundjes Minamata. Minamata, është një sëmundje neurologjike e shkaktuar nga helmimi i rëndë i merkurit. Shenjat dhe simptomat përfshijnë ataksi, mpirje në duar dhe këmbë, dobësi të përgjithshme të muskujve, humbje të shikimit periferik dhe dëmtim të dëgjimit.
1960 – Gjatë Luftës së Ftohtë, ndodh Incidenti me avionin U-2. Piloti amerikan Francis Gary Powers, i cili po pilotonte një aeroplan spiun Lockheed U-2, është qëlluar mbi Oblastin e Sverdlovskut, në Bashkimi Sovjetik, duke shkaktuar një krizë të rëndë diplomatike midis dy vëndeve. Powers u kap dhe u gjykua për spiunazh. Ai u shkëmbye në Berlin me agjentin rus, Rudolph Abel.
1978 – Vdes në moshën 74 vjeçare, Aram Khachaturian. Khachaturian, ishte një kompozitor dhe dirigjent sovjetik me origjinë armene. Ai konsiderohet një nga kompozitorët më të shquar të ish Bashkimit Sovjetik. Disa nga kryeveprat e tij janë, Gayane, Spartacus, Sabre Dance, dhe Masquerade Suite. Një nga elementët kryesorë në muzikën e tij, do të ishin dhe fragmente nga muzika popullore armene.
1987 – Lind në Viterbo, Leonardo Bonucci. Bonucci, është një futbollist profesionist italian që luan si qendërmbrojtës për të dhe shërben si zv – kapiten i të dy klubeve të Serisë A Juventus dhe i kombëtares së Italisë. Disa nga ekipet që ai ka debutuar janë, Inter, Milan, dhe Juventus. Bonucci, konsiderohet si një ndër qëndërmbrojtësit më të mirë në mbarë botën. Ai ka fituar 35 çmime futbollistike kombëtare dhe ndërkombëtare.
1994 – Kampioni botëror tre herë në Formula 1, Ayrton Senna, vdes në një aksident automobilistik, ndërsa drejton San Marino Grand Prix, në Imola. Një ditë më parë, shoferi austriak Roland Ratzenberger kishte vdekur kur makina e tij u rrëzua gjatë kualifikimit për garën. Shkak për këto përplasje u bënë defektit teknike. Këto dy aksidente konsiderohen si nga më të rëndat në historinë e kompeticionit garues të Formula 1.
