1905 – Gjatë Luftës Ruso-Japoneze, marinarët fillojnë një rebelim në luftë-anijen ruse “Potemkin”. Kjo luftë-anije, ishte një nga më të mëdhatë e Detit të Zi. Revolta, shikohet si një hap i parë drejt Revolucionit Rus të vitit 1917. Ajo formoi më vonë bazën e filmit pa zë të Sergei Eisenstein të vitit 1925 “The Battleship Potemkin”.
1917 – U lind në Shkodër Prenkë Jakova, ka qenë arsimtar, muzikant, kompozitor dhe autori i operës së parë shqiptare titulluar Mrika.Këngët e tij Syrin tek qershia dhe Margjelo janë shumë të njohura dhe për shkak të popullaritetit që gëzojnë shumëkush i identifikon si këngë popullore shkodrane. Më 1942 shkoi të studjonte klarinetë në Akademinë Kombëtare të Shën Çiles në Romë, studime që i përfundoi shkëlqyeshëm. Fundi i vitit 1944 e gjeti Jakovën mësues po prapë në Shkodër, më tej e morën për të ndihmuar në aktivitetet që bënte kori i Brigadës I Sulmuese në Shtëpinë e Rinisë, ku Jakova u caktua përgjegjës. Në atë periudhë Prenka u arrestua dhe u mbajt në hetuesi për shkak të vrasjes së vëllait të tij duke luftuar kundër partizanëve komunistë. Me grupet e amatorëve, instrumentistëve, solistëve dhe korit që kishte në patronazh, Prenka dha shfaqe jo vetëm në Shkodër, por edhe në Ulqin, Cetinjë e Titograd. Vepra “Mrika” ishte opera e parë në historinë e artit muzikor shqiptar, të cilën Prenk Jakova e shkroi në bashkëpunim me libretistin Llazar Siliqi dhe regjisorin e njohur shkodran Andrea Skanjeti, e që u vu në skenën e teatrit “Migjeni” të Shkodrës. Megjithë karrierën e tij të suksesshme artistike, fundi i Prenkës do të ishte disi i ngjashëm me atë të vëllait të ekzekutuar, sepse duke mos e duruar dot mjedisin përreth tij, duke e parë vehten në një gjendje pesimizmi të pashpresë, ai zgjodhi rrugën e vetvrasjes, pikërisht në Shtëpinë e Kulturës në Shkodër, pikërisht në atë institucion ku ai kishte punuar e shkruar një jetë të tërë.
1941 – Autoritetet rumune nisin një nga reprezaliet më të dhunshme në historinë hebraike në qytetin Iasi, duke ekzelutuar me vrasje të paktën 14.000 hebrenjve. Gjatë Luftës së Dytë Botërore, nga 1940-1944, Rumania ishte një aleate e Gjermanisë naziste dhe bëri jehonë në opinionin publik ndërkombëtar me politikat e saj antisemite.
1950 – Ekzekutohet në moshën 48 vjeçare, Milada Horakova. Horakova, ishte një politikane çeke. Ajo ishte një viktimë e vrasjeve gjyqësore të kryera nga partia komuniste me akuza të fabrikuara të komplotit dhe tradhtisë. Aktgjykimi i saj u anulua në vitin 1968, dhe ajo u rehabilitua plotësisht në vitet 1990, pasi u dekorua pas vdekjes.
1955 – Lind në Paris, Isabelle Adjani. Adjani, është një aktore dhe këngëtare, e famshme franceze. Ajo është e vetmja aktore në historinë e kinematografisë botërore që fiton pesë çmime Cesar. Gjithashtu, Adjani u bë një Chevalier e Legjionit të Nderit francez në vitin 2010, dhe një Komandante e Urdhrit të Arteve dhe Letrave në vitin 2014.
1980 – Avioni civil Itavia Flight 870 rrëzohet në det ndërsa gjatë rrugës nga Bolonja drejt Palermos, duke vrarë të 81 pasagjerët në bord. E njohur ndryshe dhe si “Tragjedia e Ustikas”, katastrofa çoi në hetime të shumta, veprime ligjore dhe akuza, dhe vazhdon të mbetet mister, përfshirë pretendimet për komplot nga qeveria italiane
1994 – Anëtarët e kultit terrorist Aum Shinrikyo lëshojnë gaz sarin në Matsumoto, të Japonisë. Si pasojë e këtij akti 8 persona janë vrarë, dhe afro 660 të tjerë janë plagosur. Ky do të ishte akti i dytë më i rëndë terrorist i këtij kulti, pas atentatit të famshëm po me gaz sarin, të bërë në metronë e Tokios, ku do të vdisnin 12 njerëz.
2013 – NASA fillon Spektrografin e Imazheve të Rajoneve Interface, një hetim hapësinor për të vëzhguar Diellin. Misioni u financua përmes programit Small Explorer për të hetuar kushtet fizike të atmosferës diellore, dhe veçanërisht asaj të kromosferës së Diellit. Kjo strukturë u ndërtua në laboratorin e Lockheed Martin Solar.
