1877 – Lindi në qytetin e Elbasanit, Lef Nosi, nënshkrues i Deklaratës së Pavarësisë së Shqipërisë, patriot, arkivist, folklorist, etnograf, numizmat, arkeolog e politikan shqiptar. Njihet si babai i filatelisë shqiptare, personalitet me interesa të gjëra kulturore. Veprimtaria e tij politike-shoqërore ishte pothuajse e pandarë me atë personale. Veprimtaria e ngjeshur kombëtare e bëri shumë shpejt Lef Nosin objekt ndjekjeje për autoritetet osmane. Ideja e Lef Nosit për Shtetin e Ri Shqiptar, mori formë në programin politik që së bashku me Faik Konicën shtypën në Londër më 1907. Lëvizja politike do të quhej Ana Kombëtare dhe programi i saj përmbante 24 pika. Me pushtimin fashist, Nosi u internua në Itali me Mehdi Frashërin dhe Rauf Ficon, ku nuk e ndërpreu aktivitetin e tij në dobi të vendit. Kthehet n’atdhe me 1942, ku takohet me Ali Këlcyrën, Mit’hat Frashërin, etj. për të shuguruar lëvizjen e Ballit Kombëtar, me bashkëdrejtuesit e të cilit do kishte edhe mosmarrëveshje. Njohës i gjuhëve turqisht, greqisht, frëngjisht, gjermanisht dhe italisht. Nga bashkëkohësit thuhet se Lef Nosi, kishte bibliotekën e dytë të Shqipërisë, pas bibliotekës së Mit’hat bej Frashërit. Bërthama e fondit të albanologjisë dhe ballkanologjisë në bibliotekën publike “Qemal Baholli” në Elbasan, mban vulën personale të Lef Nosit. Lef Nosi ka dhënë një kontribut shumë të madh në bibliotekën “Qemal Baholli” të qytetit, që në themelimin e saj, duke qenë edhe në këshillin shkencor të bibliotekës së asaj kohe. Pas vitit 1990, u nderua si patriot i shquar, në një ceremoni organizuar në vendlindjen e tij, me pjesëmarrjen e veçantë të familjes Nosi, mbesës së tij, Adelina Kosturi (Nosi) dhe birit të saj, Skënder Kosturi. Në vitin 2004, titullohet “Qytetar Nderi” i Elbasanit. Një rrugë në Elbasan mban emrin Lef Nosi. Një shkollë e mesme në Prizren mban emrin e tij. Në vitin 2007, dekorohet me urdhrin “Gjergj Kastrioti Skënderbeu”. Është cilësuar nga miq e të afërm të tij “akademik” dhe “personalitet kombëtar”, më shumë një “filolog” se sa një “politikan”. Nën kujdesin e lartë të Ministrit të Arsimit dhe Shkencës prof. dr. Myqerem Tafaj, në 100-vjetorin e shpalljes së Pavarësisë, Universiteti i Elbasanit “A. Xhuvani”, në bashkëpunim me Qendrën e Studimeve Albanologjike dhe me bashkinë e qytetit të Elbasanit, organizojnë sesionin shkencor “Lef Nosi, figurë qendrore e historisë dhe kulturës shqiptare.
1933 – Lind në Paris Jean Paul Belmondo. Belmondo, është një aktor francez i lidhur fillimisht me Valën e Re të viteve 60 dhe një nga yjet më të mëdhenj të filmit francez të viteve 60, 70, dhe 80. Kreditet e tij më të njohura përfshijnë filmat Breathless, dhe That Man from Rio. Disa nga filmat e tij të tjerë janë, The Professional, The Thief of Paris, Chocolat, dhe Les Miserables.
1945 – Ekzekutohet në kampin e përqëndrimit të Flossenburg, në moshën 58 vjeçare, Wilhelm Canaris. Canaris, ishte një admiral gjerman dhe shef i Abwehr, shërbimi gjerman i inteligjencës gjermane, nga 1935 deri në 1944. Fillimisht një përkrahës i Adolf Hitlerit, deri më 1939 ai ishte kthyer kundër regjimit. Gjatë Luftës së Dytë Botërore, ai ishte ndër oficerët të përfshirë në kundërshtimin klandestin të udhëheqjes së Gjermanisë naziste.
1948 – Vrasja e Jorge Eliecer Gaitan provokon një trazirë të dhunshme në Bogotá (Bogotazo) dhe dhjetë vjet të tjera dhune në Kolumbi. Nga trazirat 10-orëshe mbeti e shkatërruar shumë nga qendra e qytetit Bogota. Pasojat e vrasjes së Gaitan vazhduan të shtrihet në fshat dhe përshkallëzuan një periudhë dhune e cila kishte filluar tetëmbëdhjetë vjet para, në 1930, që u shkaktua nga rënia e partisë konservatore nga qeveria dhe ngritja e liberalëve.
1959 – Gjatë Projektit Mercury, NASA njofton përzgjedhjen e shtatë astronautëve të parë të Shteteve të Bashkuara, të cilët mediat e lajmeve shpejt e quajtën “Mercury Shtatë”. Mercury Shtatë ishin grupi i astronautëve të zgjedhur për të fluturuar anijen për Mercury. Këta shtatë astronautë me origjinë amerikane ishin Scott Carpenter, Gordon Cooper, John Glenn, Gus Grissom, Wally Schirra, Alan Shepard , dhe Deke Slayton.
1960 – Dr Hendrik Verwoerd, Kryeministër i Afrikës së Jugut dhe arkitekt i aparteidit, mbijeton ngushtësisht një atentati nga një fermer i bardhë, David Pratt në Johannesburg. Por në vitin 1966 ai do të vritej përpara parlamentit nga Dimitri Tsafendas, për shkak të politikave të tij rraciste dhe segregacioniste ndaj njerëzve me ngjyrë dhe minoriteteve të tjera etnike në Republikën e Afrikës së Jugut.
1989 – Ndodh Masakra e Tbilisi. Një demonstrim paqësor anti-Sovjetik dhe një grevë urie në Tbilisi, duke kërkuar rivendosjen e pavarësisë së Gjeorgjisë, shpërndahet nga Ushtria Sovjetike, duke rezultuar në 20 të vdekur dhe qindra të plagosur. Më 10 Prill, Tbilisi dhe pjesa tjetër e Gjeorgjisë dolën në grevë dhe u shpall një periudhë 40-ditore zi. Njerëzit sollën koleksione të mëdha lulesh në vendin e vrasjeve. U shpall një gjendje e jashtëzakonshme, por demonstratat vazhduan.
1992 – Një Gjykatë Federale e SHBA e konsideron ish-diktatorin Panamez Manuel Noriega fajtor për akuzat e drogës dhe reklamimit. Ai është i dënuar me 30 vjet burg. Ai, ishte një politikan dhe oficer ushtarak panamez, që ishte sundimtari de fakto i Panamasë nga 1983 deri në 1989. Ai kishte lidhje të gjata me Shtetet të Bashkuara megjithatë, ai u hoq nga pushteti nga pushtimi amerikan i Panamasë.
2005 – Princi i Wales Charles, u martua me Camilla Parker Bowles në një ceremoni civile në Windsor Guildhall. Ceremonia, e kryer në prani të familjeve të çiftit, u pasua nga Shërbimi i Lutjes dhe Dedikimit në Kishën e Saint George, e cila përfshinte një akt pendese. Prindërit e dhëndrit, Mbretëresha Elizabeth II dhe Princi Philip, Duka i Edinburgh, nuk morën pjesë në ceremoninë e dasmës civile, por ishin të pranishëm në Shërbimin e Lutjes dhe Përkushtimit.
