1901 – Vdes në moshën 88 vjeçare, Giuseppe Verdi. Verdi, ishte një kompozitor italian i operës. Ai lindi pranë Busseto, dhe zhvilloi një edukim muzikor me ndihmën e një mësuesi vendas. Verdi erdhi të dominojë skenën e operës italiane pas epokës së Vincenzo Bellini, Gaetano Donizetti dhe Gioachino Rossini, veprat e të cilit ndikuan ndjeshëm tek ai. Disa nga operat që ai kompozoi janë, Nabucco, Rigoletto, etj.
1918 – Fillon zyrtarisht Lufta Civile në Finlandë. Përplasjet u zhvilluan në kontekstin e trazirave kombëtare, politike dhe sociale të shkaktuara nga Lufta e Parë Botërore. Lufta u zhvillua midis të Kuqve, të udhëhequr nga një seksion i Partisë Social Demokrate, dhe të Bardhëve, të udhëhequr nga Senati me bazë konservatore dhe Ushtria Perandorake Gjermane. Ky konflikt u fitua nga të Bardhët.
1945 – Gjatë Luftës së Dytë Botërore, Divizioni 322 sovjetik çliron të burgosurit e mbetur të kampit të Auschwitz Birkenau. Kampi i Auschwitz-it, ishte një nga kampet më të mëdha dhe më të tmerrshme naziste të përqendrimit. Nga viti 1939 deri në 1945 në këtë kamp shfarosjeje vdiqën nga mbytja me gaz dhe krematoriumet, afro 1.2 milionë njerëz të pafajshëm, ku gati gjysma e të cilëve ishin hebrenj.
1951 – Në poligonin bërthamor të Nevadas në SHBA, fillon testimi i Operacionit Ranger. Këto teste u përqendruan në praktikimin e zhvillimit të një gjenerate të dytë të armëve bërthamore duke përdorur sasi më të vogla të materialeve të vlefshme bërthamore. Ato ishin planifikuar nën emrin Operation Faust. Gjatë këtyre testeve u shpërthye një fuqi e ekuivalentuar me 22 kiloton TNT.
1967 – Gjatë programit Apollo, astronautët Gus Grissom, Ed White dhe Roger Chaffee vriten në një zjarr gjatë një prove të anijes së tyre Apollo 1 në Qendrën Hapësinore Kennedy, në Florida. Ky do të ishte misioni i parë i dështuar amerikan hapësinor. Për nder të tre astronautëve të mbetur të vdekur në këtë aksident, të gjithë misionet amerikane hapësinore të ardhshme, do të titulloheshin Apollo.
1980 – Përmes bashkëpunimit midis SHBA-së dhe qeverisë Kanadeze, gjashtë diplomat amerikanë shpëtojnë fshehurazi nga arrestimi në Iran. “Canadian Caper” ishte operacioni i fshehtë i RCMP dhe CIA, të cilat bënë të mundur ardhjen në atdhe të 6 diplomatëve amerikanë. Pasi pjesa tjetër e ambasadës ishte marrë peng nga studentët revolucionarë, që kërkonin kthimin në Iran të Shahut, për ta dënuar me vdekje.
1996 – Gjermania respekton e para, Ditën Ndërkombëtare të Përkujtimit të Holokaustit. Dita Ndërkombëtare e Holokaustit është një ditë ndërkombëtare, më 27 Janar, duke përkujtuar tragjedinë e Holokaustit që ndodhi gjatë Luftës së Dytë Botërore. Përkujton gjenocidin që rezultoi në vdekjen e 6 milion hebrenjve dhe miliona të tjerëve, nga regjimi nazist dhe bashkëpunëtorët e tij
