1914 – Në New York, themelohet Shoqëria Amerikane e Kompozitorëve, Autorëve dhe Botuesve, për të mbrojtur kompozimet muzikore me të drejta të autorit të anëtarëve të saj. Ajo është një organizatë jo-fitimprurëse amerikane për të drejtat e performancës që mbron të drejtat e autorit muzikor të anëtarëve të saj duke monitoruar shfaqjet publike të muzikës së tyre, qoftë përmes një transmetimi ose performance live.
1945 – Gjatë Luftës së Dytë Botërore, bombarduesit e Forcave Ajrore Mbretërore u dërguan në Dresden, të Gjermanisë për të sulmuar qytetin me një bombardim masiv ajror. Avionët të Forcave Ajrore Mbretërore Britanike dhe 527 të Forcave Ajrore të Ushtrisë së Shteteve të Bashkuara, hodhën më shumë se 4 mijë ton bomba me eksploziv të lartë dhe pajisje ndezëse në qytet. Mbi 25 mijë vetë humbën jetën.
1955 – Izraeli merr në dorëzim, katër nga shtatë Rrotullat e Detit të Vdekur. Rrotullat e Detit të Vdekur (gjithashtu Rrotullat e Shpellave Qumran) janë dorëshkrime të lashta fetare hebreje që gjenden në Shpellat Qumran në shkretëtirën Judaean, afër Ein Feshkha në bregun verior të Detit të Vdekur. Arkeologët i përcaktojnë këto dokumente nga tre shekujt e fundit para erës sonë dhe shekulli i parë i erës sonë.
1960 – Lind në Bologna, Pierluigi Collina. Collina, është një ish-gjyqtar italian i futbollit. Ai u emërua “Gjyqtari më i mirë i vitit” i FIFA-s gjashtë herë radhazi dhe konsiderohet gjerësisht si gjyqtari më i madh i futbollit të të gjitha kohërave. Collina është ende e përfshirë në futboll, si një këshilltar i Shoqatës Italiane të Arbitrave të Futbollit.
1983 – Një zjarr i rënë në një kinema të Torinos, në Itali, vrau 75 njerëz. Sipas thënieve të Raimondo Capella, pronarit të kinemasë, flakët u përhapën nga një perde e vjetër. Ai u dënua me 10 vjet burg, si dhe me kompensimi e familjeve të viktimave. Kjo ishte fatkeqësia më e madhe që kishte ndodhur pas Luftës së Dytë Botërore në Torino. Viktima më e re ishte 7 vjeç, më e vjetra ishte 55 vjeç.
1990 – Arrihet një marrëveshje për një plan prej dy fazash për ribashkimin e Gjermanisë. Sipas “Traktatit Dy Plus Katër”, Republika Federale dhe Republika Demokratike u angazhuan për të unifikuar parimin se kufijtë e tyre të përbashkët para 1990. Ato, përbënin të gjithë territorin që mund të pretendohet nga një qeveri e Gjermanisë, dhe kështu që nuk kishte tokë të mëtejshme jashtë atyre kufijve që ishin pjesë e Gjermanisë në tërësi.
1996 – Vdes në moshën 76 vjeçare, Martin Balsam. Balsam, ishte një aktor amerikan. Ai njihet më së shumti për një numër rolesh të njohura filmike, duke përfshirë detektivin Milton Arbogast në Psycho të Alfred Hitchcock, Arnold Burns në A Thousand Clowns për të cilin ai fitoi Çmimin Akademik për Aktorin Mbështetës më të Mirë, dhe Z. Green në The Taking of Pelham One Two Threesi.
2017 – Kim Jong-nam, vëllai i diktatorit të Koresë së Veriut, Kim Jong-Un, vritet në Aeroportin Ndërkombëtar të Kuala Lumpurit. Ai u helmua nga tre gra të maskuara me agjentin nervor XV. Besohet gjerësisht se Kim Jong-nam u vra me urdhër të Kim Jong-un. Eliminimi i tij, mendohet se ndodhi për shkak të prirjeve të tij tejet liberale, dhe kundërshtive të shumta që kishte pasur kohët e fundit me të vëllain.
